إعترافات ليلية
--------
--------
سهران في ليلي بنادي ع القمر يداوي جروحي
و جرحي غويط و اللي جرحني حبيب روحي
ااه من الايام لو تعود لأضرب على عودي
و أقول يا مسافر وحدك إرجع مليت وجودي
من غيرك و بنادي عليكي ياريت تعودي
***
أاه يا قمر لو تروح للي معاه قلبي و كان
معايا و في حضني في كل مكان و زمان
قوله احبابك فاكرين أجمل ليالي زمان
فاكرين سنين حب و شوق و غرام و حنان
ارجع تاني يا حبيبي ده انا في بحرك غرقان
***
بلغة ان لسة ليه احباب عايشين على ذكراه
من الألم بيصرخوا اه و الف اه و اه و اه
صاينين عهد الهوى و رغم البعد عايشين بهواه
و الشمس غابت يوم غيابك و الليل مالوش أخر
و الفراق من بعد شوق و غرام طعمة علقم مر
و قلبي عصفور جوا قفص نفسه يقول انا حر
***
أنا حر يا ليل بس أسير في سجن و السجان حبيبي
و العذاب الوان حرق و جلد و انا راضي بنصيبي
فاتني و سافر ياليل بس هيرجع تاني لحضني
هييجي يقولي خبيني بين رموش عينك و خدني
لحنانك خدني و من الأيام و الدنيا اسرقني
على الجنه وديني ده انا جنتي حضنك و معاك سنيني
و عمري الجاي ليك و ليك كل اشواقي و حنيني
***
و أصحى تاني من حلمي في ليل مليان غيوم
و ياريته حلم ده حلم يقظة في عيون مبتشوفش نوم
و منين هييجي النوم لقلب موجوع مهموم
صابه سهم الهوى و كان السهم مسموم
روح يا قمر و قوله
اني لسه مستني الشمس تشرق في يوم
المشاركات
هناك تعليق واحد:
حزمان باشا
طبعا عارفك
وفاكر اكتر موضوع ليك عجبني انهم قتلو الحياة في قهوة كتكوت
انا عندي بس ملاحظة صغيرة
مهما كان ما صدر من الدكتورة سعاد صالح
فهي دكتورة و داعية و مشهود لها ولا يجوز وضع صورتها مع هؤلاء الاشكال في الصورة
ففاعلها مجازي علي فعلة
إرسال تعليق