26‏/4‏/2007

الزنبقة البيضاء


من دواعي سروري ان تهتم بسؤالي شخص
يحمل ذلك القلب الهادي الطيب النقي الشفاف
زهرة الصبارأعتذر عن التأخير
بعد أن إنتهيت من الأسئله الصعبه
أوجه لحزمان العضو الجرئ
الناقد لجميع الأوضاع
والناقم من أغلب الأوضاع مجموعه من الإستفسارات
صدرت الأوامر من الشاهقات مقاما
و على الأقزام السمع و الطاعة
أولا
باسمك اللهم
مصطلحات كنت عايز إني أعرفها
تعريفات بعيده عن الكتب
عايزه تعريفاتك ياحزمان
سمعا و طاعة
الأزهر
لا أعتقد مطلقا أن سيدتي تقصد حديقة الأزهر و إن كانت أروع ما يحمل أسم الأزهر في الوقت الحالي
فلفتعل مقارنة بسيطة بين الأزهر في زمنين مختلفين و لن نبتعد بالزمن كثيراو ننظر إلي الأزهر الشريف أيام فضيلة الشيخ جاد الحق على جاد الحق و فضيلة الإمام الأكبر سيد بيه أوكيه
لا أريد أن أتجنى على أحد بعموم ذلك الكلام فخلف الأضواء من أحسبه على خير و لا أزكي على الله أحد
الوحدة العربية
لا أراها مستحيلة و الدليل على ذلك ان المهدي المنتظر سيجمع العرب و المسلمين جميعا
و لو وهبنا الله حاكما يتقيه لرزقنا الوحدة
القدس
وصمة عار على جبين كل العرب
ميناء الإقلاع من الأرض إلي الجنة أرض الله المقدسة التي سنسأل جميعا عنها يوم القيامة
التوريث
إن كانت ملكية خاصة فلينفذ حكم الله فيها و توزع على الورثة
و إن كانت عامة فأنضموا لنا و لا تكتموا الشهادة

الملكية الفكرية و حرية التعبير

الحق مكفول للجميع فلكل أفكاره التي تستوجب الإحترام و من حق الجميع أن يعبر عن تلك الأفكار بكامل حريتة

ما عدا

إستخدام تلك الحرية في التجريح في الأخرين

إستخدام تلك الحرية في الأمور الدينية

المعارضة

إذا تكلمنا عن تعريفها فسنجد انها كل ما لا يتفق مع سياسة الحزب الوطني إذن الشعب كله من المعارضة

و إذا ما تكلمنا عن مضمونها فهي شكل سياسي مختلف الإتجاهات و المذاهب و الأهداف و رغم ان جميع تلك الاتجاهات متفقين على المسمى (( معارضة )) إلا ان جميعهم معارضين للأخرين أيضا

الليبرالية

حركة سياسية لا أحبها ... أنا لست ليبراليا ... و أعي تماما خطورة تدمير الليبراليه للقيم و المعتقدات و الأعراف داخل مجتمعنا إلا أنني أراها أفضل نظام سياسي موجود في الوقت الحالي

العولمة

تحويل العالم إلي قرية صغيرة متصلة و مترابطه يعتبر إنجازا عظيما لا يتخيلة عقل و لكن

ليس من المعقول أن نربي أرنب و ثعلب في قفص واحد

الإنتقام

الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ [آل عمران : 134]

مسجد الحسين و السيده نفيسة و أمثالهم

قال صلى الله علية و سلم ...لعن الله اليهود و النصارى اتخذوا قبور أنبيائهم مساجد ‌.‌صدق رسول الله صلى الله عليه و سلم

تخريج السيوطي

تحقيق الألباني

الروتين

لو تم إلغاؤة فستعالج ظاهرة فساد الموظفين و تربحهم من وظيفتهم

إنسان

مجموعة من الحقوق و الواجبات إذا طغت إحداهما على الأخرى فسد معنى الكلمة

التعديلات الدستورية

كما أسميتها في مدونتي (( التعديلات التوريثية )) الخطة التي وضعها النظام الحاكم لتوريث حكم البلاد إلي ننوس عين أمة

---------------------

بالمناسبة هو عازمكم على فرحه يوم 4 / 5 / 2007 في شرم الشيخ فندق جراند حيات

هيعمل حفلة جوازة و حفلة عيد ميلاد ابوه مع بعض عشان يوفر

الطلاق

أبغض الحلال

بس حلال

الغيرة

سلاح ذو حدين إما تفسد العلاقات أو تجعلها أنجح العلاقات

هل لك نشاط سياسي فعلي

بالتأكيد لو جاوبت على السؤال ده هلاقي البوليس السياسي مشرفني قبل ما أخلص رد على أسئلتك يا زهرة

عموما لي نشاط و لكن ليس بالشكل الرسمي المتمثل في الأحزاب

يوم أزمة المدرسه

ظهرت بموقف غير اللي أنا كنت منتظراه من حزمان القوي

من وجهة نظري

هل هوا ده فعلا حزمان ولا دي كانت مجرد حاله مؤقته

مجرد حالة يأس مؤقتة

على فكرة السؤال ده حلو جدا

تعرفي اني كنت عايز أكتب موضوع عن اليوم ده

الجميع أصيبوا بحالة من اليأس و كادوا يستسلمون

و يستغنون عن الحلم و يتركون المدرسة تغلق

الموضوع اللي كنت عايز أكتبه كان هيبقى عن(( طاقة اليأس )) شوفتي اليأس اللي كنا فيه ولد جوانا طاقات عظيمة أزاي

و الوضع الأن خير دليل

صفه من صفاتك محدش في أسئلته قدر يوصلها وتحب نعرفها عنك

أنا ديكتاتوووووور جدا

و ده إعتراف حصري لمدرسة المشاغبين

بس فيا ميزة حلوة أوي

إني بقدر أخللي اللي قدامي يعمل اللي انا عايزة حتى لو كان هو مش موافق عليه و بحب شديد

إن بيت أبوك خرب خد لك منه قالب

هل إنت مؤمن بهذا المثل؟

البيت هنا وصل لحد الخراب

و بالتأكيد ذلك القالب إن إستفدت به سيقلل حجم الخسارة

مانسبة المصداقيه في إجاباتك في اللقاء عموماً ؟

أخشى أن أقول 100% فأخدع نفسي

عموما لن أجيب على ذلك السؤال و سأتركه لإحساس القارئ

سؤال كان نفسك حد يسألهولك ؟ وجاوب عليهوما تقولش مفيش

كان نفسي حد يسألني

هل حزمان يحب مصر أم أنه يكرهها كما يتصور أغلب من في ذلك المكان ؟؟

أما الإجابة على ذلك السؤال

أعشق النيل و أكره تلوثة

أعشق شوارعها و أكره مقالب الزباله اللي ملياها

أعشق هوائها و أكره الدخان الذي ملئه

أعشق الحياة في مصر و أكره إستعبادها للخلائق

أنا بحب مصر

بس حاسس انه حب من طرف واحد

جميع الأسئله إجباريه

لا يستطيع حزمان رفض طلب لزهرة المدرسة

و تمت الإجابات إختياريا لا جبريا و بكل سعة صدر و ود أدامة الله


-------------

يارب ميكونش فيه أسئلة تاني
ده انا لو في قسم الأزبكية مكنوش هيعملوا فيا كده

اللي كنت خايف منه حصل


وما نظرتك لبناتنا وتعاملهم مع النت؟؟
أصر على إجابة السؤال وبكل صراحة
ولن أقبل هروب لإنى محتاجة رأى خبير مثلك وله 7 سنوات
على الشبكة وصدقنى ده هيفيد ناس كتير
وهتاخد ثواب كبير بس جاوب بكل صراحة مع ذكر بعض الأمثلة
تقيــــــــــــــــــه
يا ترى أنت أصريتي على إجابة السؤال ده
و للا ألحيتي
معلش تفرق معايا

توكلنا على الله
و ربنا يستر
-----
خلينا بس الأول نتفق على شيئ مهم
لماذا تتجه الفتاه إلي الإنترنت ؟؟؟
(( على فكرة أنا بتكلم عن فئة بنات الشات و المنتديات ))
و هحاول ما أظلمش حد
للإجابة على ذلك التساؤل سنجد أن هناك 3 أسباب رئيسية تجعل الفتاه تتجه للإنترنت
1 - أوقات فراغ
2 - مشاكل حياتيه
3 - نقص عاطفي
عندما تجتمع تلك الأسباب في شخص الفتاه -
بالإضافة لوجود كابل dsl في البيت

تتجه مباشرة إلي الإنترنت لتبحث فيه عن ضالتها
في الحاله دي البنت بتكون فريسه سهله جدا
مش فريسة للصياد بل فريسة سهله جدا للشيطان
----- تعالي بقى نقسم البنات تقسيم عمري -----
أولا .. سن المراهقة
و هنبتدي من المراهقة لأن نادر جدا تلاقي بنات أصغر من كده على النت
الفترة دي فترة خطيرة جدا
مش من الناحية الجنسية فقط بالعكس فقد تكون تلك الناحية هي الأخف ضررا على المجتمع
المرحلة دي هي مرحلة تكوين الشخصية والقيم و المبادئ
لما بنت في السن ده تتفاعل من هم أكبر منها سنا
من أصحاب أراء الحريات و التمرد و الثورة و المساواه ... بالطبع هتتأثر بيهم
و ده هيأثر على علاقتها بأهلها في البيت
و لك أن تتخيلي المصائب التي ستحدث من خلال تجربه من هن في تلك السن مع الإنترنت
طيب تعالي من الناحية الجنسية
أو بلاش نقول جنسية خلينا نقول من الناحية العاطفية
و الأتنين هيؤدوا إلي نفس النتيجة
(( لاحظي اننا هنا في مصر عايشين في مجتمع منغلق لا يسمح بالإختلاط
بالإضافة أننا مجتمع مسلم يحرم العلاقة بين الرجل و المرأة
بالإضافة لغياب الوعي الديني و الجهل أو تجاهل المحرمات و الكبائر ))
في المرحلة دي البنت بتكون محتاجه بشكل ملح جدا
انها تحس بأنثويتها
و هتتأثر بأي كلمة رقيقة تتقال لها
حتى لو قالها واحد عمره ما شافها انها جميله
هتنساق وراء غرائزها و هقول تنساق لأنها في الحاله دي بتكون فاقده الإراده
و مع غياب الوازع الديني و غياب الرقابه
سيحدث ما لا يحمد عقباه
أو أخف الأضرار هتكون تجربة حب فاشله
---------------
نخرج من المرحلة دي و ندخل في مرحلة تانيه
ثانيا .. سن الزواج
شبح العنوسة
و ظروف المجتمع التي أدت لتأخر سن الزواج بصفة عامة عند الرجال و النساء
و متطلبات الزواج القاسية
و رغبة الفتاه الجنسية
و غريزة الأمومه عندها
ضعي كل هؤلاء في كفة ثم ضعي إرادة الفتاه في الكفة الأخرى و أخبريني أي الكفتان سترجح
تدخل الفتاه لعالم الإنترنت متوهمه أنها ستستطيع أن تصطاد من ينتشلها من أمام كل تلك الأشباح سالفة الذكر
- و خللي بالك في المرحلة دي الرجل بيكون هو الفريسة -
و لأن الرجل يكون في أضعف حالاته أمام كلمة رقيقة من إمرأة
أو كما يقولون (( تنهار قوة الرجل عندما تبكي المرأة ))
فيقع فريسة سهلة في شبكة الصياد
أقصد في شباك الفتاه
و سرعان ما ينهار الحلم مرة أخرى لعدم قدرة الإثنان على مواجهة قسوة ظروف المجتمع
ثم يحدث ما لا يحمد عقباه
أو أخف الأضرار
تجربة حب فاشلة
-----------
نيجي لمرحلة أخرى
رابعا ... ما بعد مرحلة سن الزواج
و دي هنقسمها لحالتين
1- فتاه لم تتزوج
2 - فتاه تزوجت بالفعل
----
1 - فتاه لم تتزوج (( عانس ))
و دي بتكون وصلت لمرحلة عاليه من اليأس و الإكتئاب
إنهارت أمامها كل قيمة سواء إجتماعية أو دينية أو أخلاقية
( على فكرة أنا قلت أن القيم إنهارت أمام اليأس - و لم أقل أن الفتاه إستسلمت )
- أقصد ان ممكن يكون حفاظها على نفسها من باب الزهد إنما مش من باب المحافظة على القيمة نفسها -
و تعتبر كلامها مع الشباب إثبات ليها انها مازالت مطلوبه
و مع تطور العلاقة
بيكون أيضا أخف الأضرار
علاقة أخرى فاشلة تضاف إلي كم التجارب الفاشلة
2 - فتاه متزوجه
+
1 - أوقات فراغ
2 - مشاكل حياتيه
3 - نقص عاطفي
و كابل dsl
=
( .... كارثة .... )
---------------------------
المرحلة الأخيرة
دي بقى مرحلة لذيذة جدا
تلاقي واحده عندها ييجي 50 سنة
و عامله أكونت كاتبه فيه ان سنها 21 سنة و أسمها نانسي عجرم
و مواليد برج العذراء الشعر كستنائي مصبوغ و لونه الأساسي أصفر
و العيون لينسيس بني و لونها الأساسي أزرق بس اللينسيس عشان الحسد
القوام رشيق و الطول مناسب
تعشق السباحة و ركوب الخيل
و ليس لها تجارب سابقة
-------------------
لو قفلت الكلام على كده هبقى بظلم شريحة كبيرة جدا
--- و للحق ---
ليس كل الفتيات تلك الفتاه
و انما هناك من دينهن و خلقهن و مبادئهن أقوى من كل غرائزهن و حاجاتهن و مغريات الدنيا و قسوة الحياة
و منهن من يعلمونني هنا الآن
في النهاية
رأيي صواب قد يحتمل الخطأ
و رأيي غيري خطأ قد يحتمل الصواب
و لكل قاعدة شواذ
--------------
بعد الرد ده مش هستغرب لو لاقيت الحساب بتاعي مقفول
و مكتوب تحت أسمي
مطروووود

bala 3esh2 المشاغب


حزمان باشا
الكيبورد بايظة ومش فاضى اجيب واحدة تانية
الحمد لله انه بايظ
و كفايه سؤال واحد عايز ايه أكتر من كده

فليا سؤال على الاد
اتفضل يا غالي
انا تحت أمرك

ماذا يمثل لك كل من
مش مستريحلك شكلك بتهدي النفوس
باشا
لأني الأخ الأكبر بين أخواتي فطول عمري محروم من كلمة أخويا الكبير و بجد لما عرفت احمد بقى هو بالنسبة لي أخويا الكبير
أحمد حد جميل جدا جدا
فرعون
فرعون بقى نفسه يطخني عيارين
بصراحه انا مقصر معاه جدا بيسأل عليا دايما و يبعتلي رسايل خاصة بس انا معنديش دم
مع اني و الله العظيم بحبه جدا و نفسي أقابله بس مكسوف منه
ان شاء الله لو هقابل الانترنتيين قريبا هتصل بيه و اتمنى يوافق يقابلنا
و لو رفض يبقى عنده حق
دودو
دودو بنت بلد جدعه تخدم أي حد من غير ما تنتظر مقابل
أحيانا بحس أنها بئر من الأحزان و ان نفسها تصرخ بس عاجبني صمودها و عطائها
ربنا يكرمها و يبدل أحزانها أفراح و سعاده
تقية
أمل و تفاؤل
متستغربش لو قولتلك ان هي اللي مصبراني على بلاوي الدنيا
نائح الطلح
محمد فراج و نعم الأخ و الصديق
العلم الجم و الأدب البليغ و الشاعر المرهف
بس لو يلتزم بمواعيده شويه
لافر مان
القلب الطيب و الدم الخفيف و الصوت العذب الجميل
شخص نادر الوجود فعلا
ابو دماغ عالية
من سوء حظي اني ما تعاملتش معاه بشكل مباشر الفترة اللي فاتت
و من حسن حظي اني هتعامل معاه بشكل مباشر الفترة اللي جايه
لكن من خلال مشاركات المدرسة هو حد انا بحترمة جدا جدا
بلا عشق
بلاعشق بقى ده اللي مدي للمدرسة طعم
بتعجبني صراحته جدا الخاليه من أي مجاملات
حسنى
ربنا يوفقه و ينجحه و يرجعهولنا بالسلامة
كتله نشاط متحركة لا تكل و لا تمل
و ان شاء الله بعناده و إصراره و نشاطه هيكون حاجه عظيمة نفتخر جميعا بها
زهرة الصبار
بص بقى عشان الكلام عن زهرة الصبار ليه جو تاني خالص
عارف لما تيجي تتكلم عن زمن حالم بطئ رومانسي بتقول ايه
ده كانت ايام جدتي و جدتك
زهرة الصبار بجد ما تبقى من زمن جدتي و جدتك
الهدوء و الحنان و الطيبة و الحكمة
-------------------
أحمد بلا عشق ده حد قلبة أبيض و اللي في قلبه على لسانه
مش بس كده لأ
كمان اللي في قلبه في توقيعة سهل جدا انك تعرف الموود بتاعه من توقيعه
ربنا يتمملك بخير يا أحمد

22‏/4‏/2007

تقيــــــــــــــه تاني

السلام عليكم
وعليكم السلام و رحمة الله و بركاته
الغالى حزمان
ربنا يعزك يا تقيه
عدت مرحلة الأسئلة الصعبة
.أمال دي مرحلة ايه ..... نقاهه ؟؟
مع إنك جاوبت بإختصار شديد مش بحبه
أصلك متعرفيش اللي حصل و أنا برد على دودو
و دودو كانت أسئلتها كتيره جدا جدا جدا
قعدت ييجي ساعتين و نص أكتب و بإستفاضة شديده جداو لما قربت على أخر الأسئلة واحد بعتلي لينك موضوع على الماسينجر دوست ع اللينك فتح في نفس صفحة الرد و لما عملت باك كان كل شيئ راح و انقضى و عيدت الاجابات من الأول
عندى ليك كام سؤال بقى منتهى السهولة
إتفضلي انا تحت أمرك
1:فى داخل كل واحد مننا أحلام كتير جايز يحققها وجايز لأ ده بإيد ربنا سبحانه وتعالى
ممكن نحس بإحباط لو خسرنا حلم وممكن نكمل عادى حياتنا ماهى الأحلام كتيروليه نشغل بالنا بحلم راح
حزمان..لو ضاع شئ من أحلامه إيه شعوره ونتيجة ده على حياته ايه؟هتحس إنك قصرت؟
ولا راضى بكل قناعة إنك حاولت بقدر إستطاعتك؟؟
بسم الله الرحمن الرحيم
الإجابة .. تونس
-----------------
الأحلام و الطموحات و الأهداف
تختلف و تتنوع على حسب أهميتها بالنسبه لي
ده بخلاف نوعية كل حلم يعني
فيه أحلام الواحد أصلا ندم أنه حلمها في يوم حلمت بالإرتباط بواحده .. و أكتشفت في الأخر انها متستحقش مني حتى نظرة إحتقار و في المقابل فيه أحلام تانيه تستحق ان الواحد يتحدى العالم كله في سبيل تحقيقها مثلا .. حلم تكوين
رابطة المدافعين عن اللغة العربية
و هتسمعوا عنها قريب جدا ان شاء الله
أما لو كان حلم يستحق فعلا و مقدرتش أحققه أنا عن نفسي بقول قدر الله و ما شاء فعل
و بالتأكيد تترك أثر سيئ في نفسي لحين إستبدال سبل تحقيق الهدف
أو تبني حلم أخر
2:شيفاك دايماً داخل برواز المدافع عن الحريات والوطنية شعار أساسى لحياتك
تفتكر ممكن يجى يوم وحزمان يعيشها بسلبية ويخلى المركب تمشى؟؟
ممكن .......يوم ما يموت حزمان
شيئ محزن جدا ... ان يكون إيماني بقضية ما و دفاعي عن كرامتي و وطنيتي شيئ غريب
رغم ان المفروض ان ده العادي المفروض ان الشعب كله يدافع عن حريته ووطنيته لكن ..... لأن الجميع أو - الأغلبيه عشان ما أظلمش حد - عايشينها بسلبية و سايبين المركب تمشي
فالناس شايفة ان أنا شاذ عن القاعده أصبحت مطالبتي بالحياة الكريمة مصدر فخر و تميز
3:عالمنا فى تطور لا يتوقف والنت بقى من ضروريات الحياة إن كان فى العمل أو الثقافة و الترفيه
لقد حول الإنترنت الكرة الأرضيه بعظيم حجمها إلي قرية صغيرة جدا
فبضغطة زر تنتقلين من بيتك في أكتوبر إلي جزر الكاريبي أو شواطئ هاواي
بضغطة زر تحدثين من مكانك معارفك في أخر بلاد العالم
بضغطة ذر تعقدين صفقات بمليارات الدولارات مع مؤسسات عالمية
بضغطة زر تستطيعين أن تتابعي أخبار العالم كلة سواء سياسية أو إقتصادية أو فنية
أو ........... أو .......... أو .........و طبعا لو تكلمنا عن الإنترنت بإستفاضة
لن تكفينا مجلدات
الكلام اللي أنا قلته ده كله ملوش علاقة بالمصريين
ده بالنسبة للعالم كله ما عدا المصريين
بكل صراحة إيه رأى حزمان فى علاقات النت؟؟
أحيانا ناجحة جدا خصوصا بين الرجال و بعضهم
فأنا من خلال النت إتعرفت على رجال فعلا وددت لو عرفتهم من زمان
الأمير الشهابي - بلكاوي - شمعة
حصل لي عظيم الشرف بمقابلتهم يوم الجمعة المنصرمة
وما نظرتك لبناتنا وتعاملهم مع النت؟؟
هههههههههههههههه
هو السؤال ده إجباري ؟؟؟؟؟؟
أنا مش هجاوب عليه دلوقتي
لما تجاوبيني و تقوليلي ان السؤال ده إجباري هجاوبك
و هجاوب بكل صراحة
و خللي بالك إجابتي مش هتكون إجتهادية
دي هتكون إجابات مبنيه على تجارب شخصية و خبرة أد 8 سنين ع النت
و تجارب أخرى غير شخصية
المهم قبل ما تجاوبي على سؤالي
تأكدي أن إجابتي هتخلي كل بنات النت تكرهني
هل علاقات الصداقة المنتشرة حالياً بين الشباب والبنات والسهر للصبح فى المحادثات
عبر الشبكة ظاهرة صحية وتقدم ولا لك رأى تانى؟؟
أنظر الإجابة السابقة يتضح لك إجابة ذلك السؤال
4:هل يوجد حاكم ممكن يحقق العدالة بحكمه فى عصرنا؟؟طيب إزاى ؟
لو حاكم ديكتاتور يحب مصرهيحقق المعادلة
الشعب المصري بطبيعته شعب متمرد
(( ملقوش في الورد عيب قالوا أحمر الخدين ))
و ده اللي يحكمة لازم يكون ديكتاتور قوي و عشان يحقق العدالة لازم يكون بيحب مصر
و يكون داق طعم الظلم و القهر و الإستعباد
و يكون واعي لعظمة دعوة المظلوم
و يكون بيتقي الله في العموم
لو وجدتي الصفات دي في شخص
هيقدر يحقق العدالة في عصرنا بل و في أي عصرمهما كانت المغريات و مهما بلغت عظمة الفتن
5:حزمان بيفكر فى المستقبل؟؟؟ يعنى تكوين عائلة ومسئولية وولاد يكملوا المشوار؟وإيه مواصفات شريكة المستقبل ..من ناحية الشكل والمضمون(واخد بالك)؟؟
واخد بالي
تكوين عائلة و زوجه و أولاد ليس هو المستقبل
بل هو الإستقرارو حزمان يبحث عن الإستقرار
بصي يا تقيه ياللي هتوديني في داهيه
عارفة أمينة ؟؟
أوعي تقولي أمينة مين .....أنا عايز أتجوز أمينة
و على فكرة .......أنا مش سي السيد
بس عايز أتجوز أمينه
6:أيام حرب إيران والعراق ومن شدة ألمى كنت بحلم يكون عندى طيارة واروح أقف بين البلدين
وأحل المشكلة ....(أحلام غريبة) حزمان تخيل نفسه فى موقع ممكن يحل مشكلة فى أمتنا .. مشكلة فلسطين مثلاً
طيب ايه تصورك للحل الممكن لمشكلة الجرح الكبير ده فى وطننا؟؟
لا حل دون التدخل العسكري
الرسول عليه الصلاة و السلام أعد الجيش و أمر بالتحرك لغزوة مؤته و كان السبب أن واحد يهودي كشف عن ساق إمرأة مسلمة في السوق
مقالش معاهدات و لا صلح و لا مفاوضات
أمر بالتدخل العسكري فورا
---------------
طبعا الإنهزاميين هيعارضوا الكلام ده
و هيقولولك الوضع إتغير و الأسلحة و أمريكا و .... و .... بالنسبة لي كل ده تحت جزمتي (( أسف ))لأن ....عندنا
الإيمان بالله و الثقة في نصر الله
عندنا خير أجناد الأرض
عندنا السلاح اللازم للحرب
أسباب إقتصادية و سياسية تمنع أمريكا من دخول مصرو إلا كانت دخلتها في 73
و أخيرا .... موتانا شهداء في الجنة و موتاهم كفرة في النار
عايزين ايه أكتر من كده
فيه نقطة كمان من عايز أغفلهامصر هي قائده العالم العربي و لو فيه حاكم ذكي هيقدر يلم شمل العرب
و يوحد كلمتهم
7:أنا متأكدة إن لو قامت حرب أول المتطوعيين هيكون حزمان
ممكن تحارب لمجرد ثورة على ظلم ولا لازم يكون فى بالك حرب محسوبة بمكاسب وخسائر؟؟
الحرب ما فيهاش مكسب و خسارة
فيها نصر أو شهادة
و الأتنين مكسب
أدعي يا تقية أن الحرب تقوم
و أن يتقبلني الله من الشهداء
أمانه تدعيلي بالدعوة دي في صلاتك
9:وده إجبارى أكتب سطرين مع مراعاة الصراحة الكاملة ما عيوب (تقية)....؟؟؟؟؟؟؟؟؟؟؟؟؟؟
السؤال ده صعب جداطيب أسألي على مميزاتها و أنا أكتب صفحات مش سطرين
هحاول أجاوب
عيوب تقية من عيني أنا
متفائلة زياده عن اللزوم
حساسة زياده عن اللزوم
لا تقبل إصباغ حلمها إلا باللون الوردي - رغم أني لا أرى فيه إلا ظلمة الواقع
و تعارض كل من يحاول تسليط الضوء على ذلك الحلم حتى لا تراه على حقيقته
تقيه خوافه بشكل ملحوظ تفضل الإنسحاب دائما و تهاب المواجهة
تقيه ..... رغم أن كل اللي ذكرته ده مكتوب تحت عنوان (( عيوب )) إلا أنني أعشقة في النساء
و أتمنى أن أتزوج بإنسانه فيها كل تلك العيوب
بس كفاية كده الرحمة مطلوبة برضه
أستمتعت جدا بأسئلتك
رغم الضرب تحت الحزام
بس بجد لأنها منك
إستمتعت بكل حرف كتبته فيها
تقية
تحياتي

19‏/4‏/2007

ضي القمـــــــــــر

كان نفسى اكون معاكوا من الاول بس الحمد لله لحقتكم برضو
بص يا اخ حزمان
نفسى اسألك سؤال واحد و ده رأفه بيك لانى شفت اد ايه الاسئله اللى انت مطالب بالرد عليها
و بصراحه لقيتها صعبه و كتيره فحبيت اخفف من عليك
السؤال جـــــــــــــــى
ايه هو رأيك فى نفسك ؟؟؟؟؟؟؟؟؟؟؟؟؟؟؟؟؟
و بـــــــــــــــــــــــس
ربنا معاك فى كل الاسئله
ضي القمر
أنت حاولتي تخففي عليا ...... بس للأسف سألتي أصعب سؤال ممكن يتسأله بني أدم
و بسبب صعوبة السؤال ده
فأنا أجهل إجابتة أو بهرب منها مش عارف في الحقيقة
لكن أنا ليا رأي
مهما حاولت أجاوب على السؤال ده بصدق لازم هكذب
مش تعمد للكذب .... و لكن لأن الإنسان عامة لا يقتنع بعيوبه
و في الغالب ينكرها و يتجاهلها
متوقعتش إن حد يسألني السؤال ده
و بجد ملقتلوش إجابه
شكرا ليكي يا ضي القمر

باشــــــــــــــا و مالكه الحزين



اخويا حزمان

مالك حزين آخر

الأصلى

يالا انا عاوز ضرب نار ومفيش رحمة

هو كده الزمان اللى احنا فيه

ان قدرت متعفيش

وانا اول واحد هضرب قصدى هسأل


العزيز جدا جدا

باشا كان نفسي تكون أحن عليا من كده

بس لاقيتك أول واحد رفعت السكينة لما العجل وقع

هنروح من بعض فين

الأيام دول


شوف ياعم حزمان

انا عاوزك تدعى ربنا معايا نطلع من المناقشه دى لسه فاكرين اسماء بعض

ماشى .. بس احب افهمك نقطه

انا مش بسأل حزمان صاحبى

انا بسأل صوره معينه انت رسمتها ماشى

نبدأ الامتحان ويوم الامتحان يكرم المرء ويجيب 99%

بسم الله


غريبة ماقلتش و نشد خط عموما أنا اللي هشد خط المرة دي

و بسم الله نبدأ

__________________


اول شىء خلينا نتفق انا واحد من الناس اللى بيفهم واحد وواحد يساوى اتنين .. اى التواء فى الاجابه .. هعيدها وهشيلهالك للسنه الجايه .. فيه شويه نقط خلاف بينا نفسى توضحهم لى ..

بس متستغربش لما تلاقي إجابه متفهمش منها حاجه

أعرف أني أصلا مفهمتش السؤال ...أوعى تحسبها عليا إلتواء
اقتباس:
الورقه الاولى بس عشان افتح نفسك وانتظر الورقه الثانيه

طيب أنا راضي ذمتك ده كلام يفتح النفس

1ـ انا مش هسألك عن بطاقتك وكده .. لا .. انا عاوزك تقول مين هو الشخص الموجود داخل حزمان .. بمعنى تقول صورة لشخص فهمك غلط ونفسك كنت تفهمه مين حزمان .. بدون سمكرة وبويه وكده .. ماشى .. لامانع من الرغى فى هذه النقطه ..


أولا تأكد يا أخي العزيزأن حزمان بداخلي هو نفسة حزمان الذي عرفتموه دون أي مكياج أو عمليات تجميل

مطلقا .... و صدقني يا عزيزي أن أي خلاف حدث بين و بين ( س ) من الأعضاء في المنتدى على صفحات الإنترنت كان سيحدث أيضا في شوارع الواقع و من منا لم يسلم من النقد و التحقير

حتى رسول الله عليه الصلاة و السلام و أصحابه الكرام لم يسلموا

الإختلاف طبيعة البشر

و كذب من قال أن

الإختلاف في الرأي لا يفسد للود قضية

2 ـ دلوقتى انت تركت صورة عندى من خلال النت انك انسان الابتسامة لم ترى وجهك قط .. مع انى احسبك غير ذلك .. ليه بتصر انك تواصل على هذا المنوال .. متعرفشى تضحك عشان الصورة تطلع حلوه ..

باشا

حزمان بطبيعته ثائر .. للأسف لم يستطع إكتساب صفة البرود ممن حوله

لذلك يثور دائما و أوقات الثورة كثيرة جدا لا تعد و لا تحصى

طغت كثرتها على قلة أوقات الفرح و الإبتسام

و أنا أعذرك شديد العذر إن قلت أنك تخيلت حزمان بدون شفاه تضحك و ذلك لأغلبية الكتابات التي تسميها كئيبة عن تلك التي تنشد الفرح

و لكن ..... (( خد بالك من و لكن دي )) تأكد أنني في غير أوقات الغضب شخص ضحوك جدا

أكره النكد و الكآبه

و سأذكرك يوم أقابلك ..... و سيحدث بإذن الله


3 ـ انت ليه دايما تصر ان الحل لمشاكل مصر كلها ستأتى على ايدى الجيل الحالى .. مع العلم انك لو نظرت للاجيال السابقه .. ورجعت شويه ورى ايام الانفجارات .. وبرده مجبتش نتيجة .. مع ان جيلكم ممكن تسميه جيل البسكويت لو قارنته بالاجيال السابقه .. ومش هيعمل حاجه لان الزمان بيثبت انه خط مرسوم بين محورين ونازل للصفر باقصى قوة .. جاوب بما يرضى الله


أجاوب بما يرضي الله

أولا ... لابد و أن تحل مشاكل مصر جميعها على يد جيلي (( الجيل الحالي )) فإن لم يحدث هذا فستكون فضيحة

ماذا أقول لولدي إذا ما سألني كيف عشت يا أبي ذليلا مقهورا

لماذا رضيت يا أبي أن تعيش دون كرامة و عزة

لماذا يا أبي أنجبتني و أنت تعلم أنك لن تلد إنسانا بل عبدا


ثم أسمح لي أن أقول لك أن الجيل الحالي ليس جيل بسكوتا

بل لو قارنته بالأجيال السابقة ستجده جيلا من فولاذ

جيلا عاش دهرا لم يذق سوى طعم الظلم و الطغيان

جيلا تربى على التمرد و الثوره و التلفاز خير دليل

شاهد كم الثوار و الأحرار في مظاهرات الجامعات و الأحزاب

من رأيي لحظة واحدة من التنظيم و الإتحاد و سنحرر تلك الأرض بإذن الله

أما إذا نظرت للأجيال السابقة ...الذي نشأ على جيبة سعاد حسني الميكرو

و خمارة ياني و بار ريش فستتأكد أن الخيرة ليست في هذا الجيل


4 ـ حزب كفايه ده انا مش مرتاح له شخصيا .. مش عارف ليه حاسس انه من صنع الحكومه .. طيب الاخوان والجهاد زمان كانو اقوى منه كتير .. يعنى كانو عملو حاجه .. مع العلم ان وزير الدخليه زى مابيطلب منه انه ينهى اى مظاهرة برده مطلوب منه انه يوجد المظاهره اللى هيتعامل معاها .. واحساسى ان حزب كفايه ده من صنع الحكومه .. رأيك ايه مش نريح دماغنا احسن .. الموضوع مش مبارزه بينا .. انا بتكلم على النتايج .. والنتائج صفر ..


سؤال جميل و ذكي

و بجد كنت متوقع إني أتسأل السؤال ده

و توقعت كمان أن باشا هو اللي هيسأل

أعلم أنك تسألني عن رأيي في الأحزاب عامة بشكل غير مباشر محاولة منك لإستدراجي كي تعرف إلي أي حزب أنتمي

من رأيي ...لا يجب أن نقسم الأحزاب من حيث مسمياتها .... فنقول غد و كرامة و كفايه و ... و ...بينما يجب أن يكون التقسيم حسب المنهج السياسي

فنقول أحزاب إشتراكية و أحزاب دينية و أحزاب يسارية و أحزاب ليبراليه .....ثم قسم الأحزاب على تلك المناهج


لا أعلم حقيقة حزب كفاية و إن كنت لا أستبعد أن يكون حزب صناعة حكومية

أنا معارض للحزب الوطني

و للأسف لم يتفق منهجي السياسي مع أي نوع من أنواع الأحزاب سالفة الذكر

و تستطيع أن تسميني معارض للمعارضة أيضا فحتى الأن لم أجد حزبا على منهج إسلامي صحيح (( و حط تحت صحيح دي ألف خط عشان متقوليش الأخوان حزب إسلامي ))


5 ـ افترض معايا .. انك فى مصر دلوقتى وعارف يعنى ايه اسرائيل وشيعه وامريكا .. وخليك طلعت فوق سطح القمر .. قمر مين .. اطلع بس بص من الدور التانى ..وبصيت هتلاقى ان الارض دى صعب ان حد يغير جغرافيتها .. يعنى احيانا احس ان اسرائيل والشيعه وامريكا ارحم علينا من حكامنا .. طب يعنى ايه حكام .. يعنى ايه يبيعوا مصر .. هو فيه فى مصر شىء يتباع .. كنز مصر تحت ترابها فى ارضها وربنا جعل لكل زمان خير معين يستخرج ..وكل شىء فوق سطح الارض مستخرج من باطنها .. اى نعم احنا بقينا عبيد فى وطننا .. بس عادى .. طيب احنا شايلين الهم ليه .. اهم شىء ان الارض هتكون موجوده لانها الاساس .. والكنز موجود داخلها .. وانا اعيش براحتى ومضيعشى عمرى اجرى ورى مظاهرات مفتعله طالما عرفت النتيجه .. مش سلبيه .. واقعنا كده .. ايه رايك ولا انا بخرف ..


لأ مش بتخرف

و لكنك تنظر للأمر بنظرة مادية بحتة

و إن كانت الخسارة خسارة مادية فالأمر هين

و لكنها خسارة معنوية ليس لها أيه علاقة بالجغرافيات

فالسارقين لم يكتفوا بسرقة المال و الثروات فقط بل سرقوا أيضا كرامتنا و إنسانيتنا و قتلوا مع سبق الإصرار و الترصد تقدمنا و ريادتنا للعالم و علمنا و حتى تاريخنا

متفقين ؟؟


6 ـ على حد معرفتى انهم علمونا التاريخ غلط .. وكرهونا فى الاحتلال .. مع ان الاحتلال دا شىء كويس ونعمه من عند ربنا لو قارناه بالوضع الحالى ..يعنى كده فكر لو كنا محتلين لغايه الان .. مش كان زماننا هونج كونج ولا تايوان .. انا بدعى الله ان دوله كبيرة وغنيه تحتلنا .. ايه رايك هتدعى معايا ولا انت لك موقف تانى ..

لأ هدعي معااك و من صميم قلبي


بس مش عشان ان دولة كبيرة هتطورنا و تخلينا في مركز متقدم من العالم أقولك على حاجه بس مش تستغرب

أنا بحسد الفلسطينين على الخير اللي هما فيه

شوف قوافل الشهداء اللي بتطلع من الأرض على الجنه أكيد لو الشعب ده ربنا مكنش بيحبه مكنش بعتله الخير ده كله

يارب دوله تحتلنا و أموت شهيد

أمانه عليك لتقول أمين


7 ـ سؤال ثوقافى .. اسألك عن العواصم .. لو قلت الخرطوم عاصمة دوله ايه هتعرف .. طب اغششك الاجابه الاولى .. الخرطوم دى عاصمة لدوله لاخر ماتبقى للكرامه العربيه .. بغض النظر عن القيمه .. لكن فيه اسلام ومبادىء وقيم انسانيه ..فيه كلمه صادقه موجوده عندهم .. الدوله الوحيده التى تعتبر بوابه لـ افريقيا لدخول الاسلام .. ومع ذلك لم يأمنو غدر مصر .. مصر اشعلت حرب الجنوب .. وسبحان الله الريس بتاعنا كان عاوز يصالحهم .. طب كان يبطل بس بيع اسلحه للجنوب .. وهى هتتحل لوحدها .. من الاخر .. عاصمه يبدو مسح معالمها الاسلاميه عن قريب ..وبايدى مسلمه .. وتحت شعار صنع فى مصر نيجى بقى للعواصم والتعقيب


ربنا يستر من السؤال ده شكلك هتيجي تزورني قريب بس هات معاك عيش و حلاوة متجيش بإيدك فاضية

1 ـ طرابلس هى عاصمه لدولة ؟؟؟

2 ـ تونس والجزائر والمغرب هم عاصمه لدوله

3 ـ دبى هى عاصمه لدوله

4ـ قطر هى عاصمه لدوله

...5 ـ اليمن والاردن هم عاصمه لدوله ؟؟؟

ـ باقى دول الخليج هم عاصمه لدوله ؟؟6

ـ فلسطين وسوريا هم عاصمه لدوله ؟؟؟7

8 ـ اسرائيل وامريكا وانجلترا هم عاصمه لدوله

.. مش جايز بيحبو بلادهم كفايه كده عليك


أقولك أنا مش هجاوب علي السؤال ده

لو دخلت قريت موضوع الحرملك هتلاقي وصف تفصيلي و إجابه مفصلة للسؤال ده

أقرأ الجزء بتاع التجار

8 – حبيب قلبى حزمان .. امريكا والعالم العربى كانو بيساعدوا ابن لادن بكل طاقاتهم ايام حرب افغانستان ضد الاتحاد السوفيتى .. وكلنا كنا بنعشق اسم اسامه ... لانهم علمونا نحبه .. ايه اللى حصل عشان يكرهونا فيه تانى .. اذا كنت انا عشقته خلاص هكرهه تانى ازاى يعنى .. ايه موقفك منه


مكرهتوش

مع علمي أنه كان عميل لأمريكا

و ان أمريكا هي اللي عملت أسامة بن لادن

بس مكرهتوش

و محبتوش

يمكن إتعاطفت معااه بعد 11 سبتمبر

يمكن صدقته في خطاباته اللي وجهها لأمريكا

يمكن عجبتني لهجة التهديد اللي كان بيتكلم بيها

و أسامة بن لادن ليس المهدي المنتظر بالنسبة لي


9- انت ماشى فى صحراء .. مفيش معاك غير سكينه تالمه قوى .. وفى لحظه معينه .. عينك وقعت على حسنى مبارك وصفوت الشريف وفاروق حسنى ويوسف والى .. كانو ماشيين وتاهو همه برده .. ومفيش حد شايفك ياحزمان انت وهمه غير ربنا سبحانه وتعالى ؟انا عاوز اعرف تصرفك ... وايه الجمله اللى هتقولها لكل واحد .. والسكينه ليها لازمه معاك .. بس


عارف لو عكست الموقف ممكن أستخدم السكينة

يعني ممكن أستخدمها و أتمنى تجيني الفرصة أستخدمها و هما في أماكنهم على كراسيهم و في قصورهم

إنما في الصحراء هما في لحظة ضعف

و أنا متعودتش أفتري على ضعيف

بس فيه سلاح أقوى من السكينة هستخدمه

عذاب الضميرهفكرهم بأعمالهم

و أفكرهم أن الموت قريب جدا منهم دلوقتي

و ما بين لحظة و التانية هيقفوا بين يدي الله

و حسبي الله و نعم الوكيل فيهم



انتهت الورقه الاولى راجع

بجهز فى الورقه التانيه انا مدفوع لى فلوس ياعم الحج اعذرنى



حسبي الله و نعم الوكيل فيك يا فخررررري

تحياتى بس راجع ..


بالله عليك ما تتعب نفسك و تيجي تاني

أنا عارف السكه





طبعا امتحان الثانوية العامة كان أهون عليا من أمتحان باشا

الحمد لله ان اليوم ده عدى على خير


باشـــــــــا

نعم الأخ أنت

الفنانــــــــــــة دودو74















عارفة يا دودو اللوجو ده عاجبني جداو أستأذنك أحطة في مدونتي




شوف بقى يا حزمان دورت بحثت .. وما لقتش انسب من شوية الاسئلة دووووووووول




أنا اللي جبت ده كله لنفسي




اتفضلوا معانا ....شوية أسئلة بسيطة جدا جدا مع مراعاة الرحمة عشان خاطر اخونا العزيز جدا ... جدا حزمـــــــــــــــــــان




استعنا ع الشقى بالله




بسم الله نبدأ




بسم الله




------




ثبت ان اسم حضرتك (حزمان) فعلام يدل ذلك الاسم ؟؟




ده أسم العائلة




أسمي حسن بن محمد بن حزمان




و ده ثابت في ملف التقديم بالمدرسة




-----------




: الصراحة : الغموض : الوحدة :




ما مفهومهم عند حزمان ..




وكيف أثرت بك الصراحة ؟




وأثرت عليك الوحدة ؟




وهل الغموض سلاح ذو حدين ؟ان كان كذلك فسلاح لك ام عليك ؟








الصراحة مفتاح كسب ود حزمان و القريبين مني يعلمون انه لا سبيل لعلاقة مع حزمان لا تكون الصراحة أساسها




أحيانا أضطر لإستعمال الكذب الحلال حتى لا أجرح أحد




أما الغموض .. يثيرني بل يستفزني الشيئ الغامض فلا أهدأ إلا بعد فك طلاسمة و كشف ما يحويه من غموض ..




الوحده أمتع شيئ في الوجود لا أحظى بها كثيرا لذلك أستمتع بها




أما الصراحة فقد أكسبتني صداقات عديده عزيزة عندي جدا




و الغموض سلاح ذو حدين بالفعل و لكنه سلاحي الذي أخوض به معاركي و لم يستطع أحد إستعماله ضدي ..




---------------




اعترف : هل أحببت ؟




نعم




متى أحببت؟




لم يمر علي وقتا كثيرا بدون حب




من أحببت؟




مش هقول برضه




كيف أحببت؟




لعبة الأقدار




وبالنسبة إليك .. ما هو الحب؟




الحب عندي هو الحب الخالي تماما من أي أهداف




حتى الزواج إن كان هدفا كان هو المدمر للحب لا الدافع له




و الزواج عندي هو نتيجة للحب




اعترف : متى تألمت ؟ متى بكيت؟




فليكن سؤالك متى لم تتألم و متى لم تبكي




اعترف : ماذا تريد ؟ وكيف سوف تحصل عليه؟




أريد الكثير و أدعو الله أن يسهل لي سبل تحقيقة




اعترف : هل تفضل أن يتحكم العقل بك أم القلب ؟




بالنسبة لي ليست هناك أفضلية و إنما هناك من الأمور ما لا يحتمل إستحكام العقل فيه و هناك أيضا ما لا يحتمل إستحكام القلب فيه فالإستحكام للعقل أو القلب تفرضة الوقائع




اعترف : ماذا حققت وكيف حققت؟




حققت النجاح في جميع المجالات التي خضتها بإرداتي أو رغما عني .. و كان ذلك بالتحدي لنفسي فكلما ظننت أني سأفشل تحديت نفسي فأنجح ..




اعترف : علام ندمت ؟ علام لم تندم؟




ندمت على ذنوبا أقترفتها في حق الله و لم أندم مطلقا على قراراتي الشخصية




اعترف : ما الرسالة التى تريد إرسالها ؟ و إلى من سوف ترسلها ؟




كنت عايز أقول حسبي الله و نعم الوكيل فيك يا فخري




و أرسلها إلي فخري




اعترف : ما الحكمة التى تفضلها ؟ و إلي من تهديها ؟




يستطيع الشيطان أن يكون ملاكاً . . والقزم عملاقاً . . والخفاش نسراً والظلمات نوراً . . لكن أمام الحمقى والسذج فقط




.إلي كل من لا يستخدم عقله




--------------








ماذا يقول لهؤلاء :؟؟حزمان




شخصا لا يستطيع التخلص من الألم




دقيقة الألم ساعة و ساعة اللذة دقيقة و لتعلم أنه لن يتألم أحد غيرك حتى من كان سبب في ألمك




شخصا مغترب




يا بختك




شخصا مازال يملك الأمل




مازال عندك ما يصبرك على مرارة العيش




شخصا فقد الأمل




فلتجعل اليأس يحتل جسدك كلة و لكن لا تجعلة يقترب من قلبك




---------------




هل سألك احداَ ذات يوم سؤال وحاولت ان تهرب منه باجابة لبقة دون التعرض لاجابته مباشرة




..بالتأكيد .. ألجأ للباقة حينما يسألني أحد عن ذنوبي من باب أن الله قد سترني




-----------




لماذا يطالب الرجل دائما بعدم مساواته مع المرأة ويرفض ذلك رفضا باتا ... ماذا يرى حزمان في ذلك الامر من وجهه نظره ؟؟ وضح لنا يا عمنا ؟؟؟




أنا لا أطالب بمساواتي بالمرأة




فمساواة المرأة بالرجل درب من المستحيل و ذلك بما علمنا الله








الرِّجَالُ قَوَّامُونَ عَلَى النِّسَاء بِمَا فَضَّلَ اللّهُ بَعْضَهُمْ عَلَى بَعْضٍ وَبِمَا أَنفَقُواْ مِنْ أَمْوَالِهِمْ فَالصَّالِحَاتُ قَانِتَاتٌ حَافِظَاتٌ لِّلْغَيْبِ بِمَا حَفِظَ اللّهُ وَاللاَّتِي تَخَافُونَ نُشُوزَهُنَّ فَعِظُوهُنَّ وَاهْجُرُوهُنَّ فِي الْمَضَاجِعِ وَاضْرِبُوهُنَّ فَإِنْ أَطَعْنَكُمْ فَلاَ تَبْغُواْ عَلَيْهِنَّ سَبِيلاً إِنَّ اللّهَ كَانَ عَلِيّاً كَبِيراً [النساء : 34]








و في تفسير الجلالين- (الرجال قوامون) مسلطون (على النساء) يؤدبونهن ويأخذون على أيديهن (بما فضل الله بعضهم على بعض) أي بتفضيله لهم عليهن بالعلم والعقل والولاية وغير ذلك (وبما أنفقوا) عليهن (من أموالهم فالصالحات) منهن (قانتات) مطيعات لأزواجهن (حافظات للغيب) أي لفروجهن وغيرها في غيبة أزواجهن (بما حفظ) لهن (الله) حيث أوصى عليهن الأزواج (واللاتي تخافون نشوزهن) عصيانهن لكم بأن ظهرت أمارته (فعظوهن) فخوفوهن الله (واهجروهن في المضاجع) اعتزلوا إلى فراش آخر إن أظهرن النشوز (واضربوهن) ضربا غير مبرح إن لم يرجعن بالهجران (فإن أطعنكم) فيما يراد منهن (فلا تبغوا) تطلبوا (عليهن سبيلا) طريقا إلى ضربهن ظلما (إن الله كان عليا كبيرا) فاحذروه أن يعاقبكم إن ظلمتوهن








إن من يتحججن بتفسير تلك الآية في العلم و العمل و الإنفاق هن متحديات لله عز و جل




فنحن لم نقرأ قرلآنا يقول أن للمرأة أن تضرب الرجل إذا ما كانت أعلى منه درجة في العلم أو إذا كانت تنفق على البيت




بل جعل الله الولايه للرجل حتى و ان كانت هي المنفقة المتعلمة و جعل للرجل سلطة الضرب إذا ما خاف نشوز المرأة




و المرأة التي تطلب المساواه بالرجل (( في رأيي )) إمرأة جاهلة متخلفة لا تعرف في دينها شيئ هي فقط تستحق الضرب بالنعال لا المساواة بالرجل






مستعد لفرد مناقشااااااات في ذلك إن أردتم




----------------




هل ترى الصداقةَ النقية بمعنى الكلمة مستحيلاً ؟ أو أن الصراحة تهدمها؟




الصداقة النقية متوفرة و بكثرة و الصراحة تدعمها ... حتى أسألوا نائح الطلح




------------




صف لي جيلا لا يكترث سوى بمتاع زائل ، يتصيد التافه من الأمور ، لا يتقن شيئا في حياته سوى فلسفة "كبر دماغك".. ثم أخبرني على من تلقي باللوم لوجود هذه النماذج ؟؟








لطالما فردنا لذلك الأمر المناقشات سواء كانت في المقر الحزماني أو النائحي في تجمعات تشرف بوجود بعض مثقفي ذلك الجيل الأمر جد خطير عندما تجدين جيلا بأكمله لا يهتم إلا بكيفية شراء المخدر أو السهر الليله أو إصطياد من ستكمل معه الليلة




و تأكدي في وجود تلك الفئة أن النهاية قريبة جدا جدا




و ألقى اللوم على حزمان و من مثلة و على كل من حمل هم تلك الأمه




ثم اللوم على ذلك الجهاد المفسد التليفزيون الذي دمر عقول هذا الجيل منذ نعومه أظفارهم




و بالطبع اللوم على تلك الحكومة الفاسدة التي رأت أن في فساد الجيل تحقيق مصالحها ..




--------------




ماذا يتوقع حزمان لمستقبل مصر ؟ و كيف ترى لونه ؟؟




لا أتوقع له الخير ما دام مبارك جالسا على الكرسي ان كان هو أو خليفته و أرى لونه أظلم من السواد




و لكن إن قام الشعب .... ربما يتلون




--------------




هل انت راضي عن وضع الحكام العرب الذين تغاضوا عما لن يتغاضى عنه الله سبحانة وتعالى ؟؟




أشهد الله أني برئ مما يفعلون




-------------




ما اجمل شي ملكته ؟




فن الإستماع و الإنصات




اغلى شيئ فقدته في حياتك.....؟ وتأسفت عليه؟




والدي رحمة الله عليه




ما هي العبر والحكم التي علمتك إياها الحياة ؟




عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.




-----------




السعادة هي الهدف المنشود لنا جميعا ... ترى ما تعريف السعادة من وجهة نظرك و أخبرنا أين تسكن السعادة؟؟




السعادة هي راحة البال و الرضى بما قسمة الله تعالى .. تلك هي السعادة من وجهة نظري




و تسكن في أماكن كثيرة




قد يكون في إبتسامة طفل صغير




أو دعاء أم




أو كلمة شكر من كهل عجوز




--------------




الطبع يغلب التطبع ؟؟ هل أنت مع أو ضد هذه الجملة..




عندي المسأله نسبية




الطبع يغلب التطبع صحيح لكن ليس عند من له إرادة قوية ..




فقد خٌلق الإنسان و قد منحه الله صفاته التي يستطيع التغلب عليها فقد يكون حاقدا و إن مات على ذلك كان الجحيم مصيره و لكن منحه الله الإراده ليتغلب عليها فإن إستطاع فقد فلح و إن إستسلم لها فلندعوا له




------------




من تجاربك في الحياة هل تشعر انك محظوظ ام ان الحظ ضدك ..؟




لم أعرف معنى الحظ في حياتي كلها فهو دائما ما يقف ضدي و لولا عداوتة لكانت حياتي تغيرت كثيرا




-------------




عن ماذا تبحث المرأة المسلمة في عصرنا الحالي ؟؟وهل دعوات الحرية وهبتها حريتها الطاهرة ؟




سؤال صعب جدا لا يسأل لرجل فضلا عن أنه لا يسأل لحزمان تحديدا لأنني دوما عدو تلك المرأة فهي دائما تبحث عن الرجولة و تتمرد على أنثويتها دون وعي بل عن جهل و تخلف




و أقسم لك أن من داعيات الفجور أقصد الحرية و المدعوات لها




لم يمنحن حريتهن




و لم يمنحن طهارتهن




------------------




حزمان: أين اللواتي يلهثن وراء العصرنة و التحرر .. من قلمك الكريم؟؟




دوما أتصيدهم و أنتقدهم و أفضحهم بين سطور كتاباتي قد لا يكون ذلك بالمباشرة المطلوبة خوفا من عدم الفهم الصحيح لما أرمي اليه و قد حدث ذلك مرارا ....




---------------




متى تتعطل لغة الكلام يا حزمان و يصبح الصمت أبلغ من كل الكلام؟




عند المجادلة الفارغة




أفضل الصمت و إبداء الإستياء ثم الرحيل و كثيرا ما يسمى ذلك بضعف في الحجه و إقرار بخطأي




و لكن قال سيد الخلق أنا زعيم أهل بيت في وسط الجنه تركوا الجدال و لو كانوا على الحق




أو كما قال عليه الصلاة و السلام




----------------




ماالشخصية التي أثرت في حياة حزمان تأثيرا كبيرا؟و من هو قدوتها ؟




لم تعجبني شخصية واحدة كاملة إلا شخص رسول الله عليه الصلاة و السلام




و لكن أعجبت بكثيرأ




عجبني السادات في حنكته و ذكائة




أعجبني الشعراوي في بساطه أسلوبه و عذب كلامة




أعجبني محمد الصالح العثيمين في قوة إيمانه و دفاعه عن عقيدته




أعجبني محفوظ في روائع أنامله و قدرته على التعبير




أعجبني ثروت الخرباوي في سخريتة الراقية




أعجبني محمد فراج و عبد الله مصطفى في إلقاء شعرهما و لغتهما العربية و تمسكهما بها




أعجبتني دودو في لوحاتها الفوتوشوبية الرائعة




أعجبني أمل تقية




أعجبني تواضع باشا و مراعاته لمشاعر غيره




و هكذا ....




------------




كيف ترى الأقلام في مدرسة المشاغبين ؟ وماذا تحب أن تري في أقلامهم ؟




أرى للأقلام في مدرسة المشاغبين تطور رائع و رقي ملحوظ




و أتمنى أن أرى الجراءة في أقلامهم




-------------




كيف ينظرحزمان إلى :




اللـه تعالى .




رب الكون الرحمن الرحيم المنتقم الجبار لا إله إلا هو عليه توكلت و إليه المصير




النزاع الطائفي بين المسلمين و بعضهم .




أعظم فتنه على وجه الأرض بعد فتنه النساء




ماهية الفكرة عند حزمان .




الفكرة .... (( و محدش يستغرب من وجهة نظري ))أرى أن الفكرة أصبحت معدومة و بالتالي لا يوجد ما يعرف بالإبتكار




لماذا ؟؟؟




لأن عدد البشر منذ خلق الله أدم حتى يومنا هذا لا يحصى و من غير المتصور أن هناك فكرة تركت كل هؤلاء البشر لتأتيك ... و لكن هناك تطوير أو طرح مختلف




..مثلا ....هل يمكن أن نطلق على مخترع الثلاجة أنه مبدع أو مبتكر




ألم تكن تلك الثلاجة يوما ما هي الزيرو لكنه أخذ الفكرة من حفظ الطعام و طورها إلي أن أصبحت الثلاجة




و من قبل الزير كانت أواني الحفظ عند الفراعنة و مع البحث سنجد من سبق الفراعنة في ذلك




لذلك أرى أنه لا يوجد ما يسمى بالفكرة




و لكن هناك ما يسمى بإختلاف الطريقة أو الأسلوب ..




---------------------------




تمت بحمد الله




أحمدك يا رب
























ردي على دودو كلفني أكتر من 5 ساعات




محدش يستغرب




بعد ما وصلت للسؤال قبل الأخير تقريبا دوست على لينك غلط ففتح في نفس الصفحة اللي بجاوب فيها




و أضطريت أعيد الإجابه من الأول








بس حتى لو 20 ساعة




بجد مش خسارة فيكي يا دودو