٢٢‏/٧‏/٢٠٠٧

حملة انترنت بلا حدود

حملة انترنت بلا حدود



السيد رئيس الوزراء / احمد نظيف
يا دكتور احمد نظيف عيب جدا جدا جدا
ان يحصل كدة فى وزارة حضرتك

وتصدر قرار يلغى قرار السيد المحترم وزير الاتصالات المصري ربنا يحفظة
بخصوص التخفيض المزعوم
لاسعار خدمات الانترنت فائق السرعه في مصر
والذي كان صدمه لنا نحن مستخدمين الانترنت في مصر
لان الناس مش ناقصة خنقة اكتر من كدة
حيث جاء القرار بتحديد طاقه التنزيل او عدد ساعات الانترنت
بأن يكون كميه المحدده 2 جيجا شهريا
وبعدها سوف يتم احتساب ال1 جيجا الزياده ب10 جنيه
أو 60 ساعه في الشهر
وتخفيض الاشتراك ليصبح 45 جنيه شهريا لسرعه 256 كيلو بايت .كذلك سوف يتم تحديد السرعات الاخرى
بالنسبه لكميه الباندويدث ايضا
وسوف يتم اطلاق اسعارها لتقوم الشركات بتحدديدها كما ترغب .صحيح ان السعر انخفض بنسبه 50%
ولكن سوف يتم التحكم بعدد ساعات الاتصال بمتوسط ساعتين في اليوم
وبعدد البيانات والباندويدث التي سوف تقوم بتنزيلها من الانترنت
وهذا لا يناسب المستخدمين
الذين يقومون بالتنزيل برامج وملفات باحجام كبيره يوميا من الانترنت
وبعدد ساعات تتجاوز ال2 ساعه يوميا...كذلك سوف يؤثر هذا النظام على محلات الانترنت كافيه بشكل كبير
لتحجيم الكميه والوقت لجميع السرعات ماعدا سرعه 2 ميجا
ستظل غير محدده الكميه ولكن سعرها غالي جدا .
لقرائه نص القرار كاملا :
http://www.ntra.gov.eg/arabic/News_N...?PID=35&ID=112
و
http://www.akhbarak.net/articleview_....php?id=648335


لهذا على كل متضرر
وكل شخص يرى بأن هذا القرار غير سليم وانه قرار يدل على مدى احتكارهم
واستغلالهم وانتقاص حق من حقوقنا في توفير لنا خدمه متكامله
دون تحجيم او اجبارنا على شئ لا نريده
ويزعمون بان هذا النظام الجديد سوف ينال رضا المستخدمين
وستزيد اعداد المشتركين يجب ان يقوم كل عضو لدينا بالاتصال بالجهات المعنيه
ووسائل الاعلام المتاحه للتعبير عن مدى استيائك لهذا النظام الجديد
لنمارس حقنا فى استخدام وسائل الاعتراض المشروعة
لكي تستجيب هذه الجهات لمطالبنا
في الحصول على خدمه مماثله للبلاد الاخرى المجاوره
وهذا ابسط حقوقنا المطلوب منك ان تقوم بعمل الاتي أ - ارسال رساله تعبر فيها عن استياءك ورفضك لنظام اشتراكات الانترنت الجديد
لجميع الايميلات التى تعرفها من خلال البريد الالكتروني
و انشر هذة الرسالة فى جميع الجروبات والمنتديات
ب - إنهاء تعاقدات الاشتراكات مع شركات الانترنت التى تستغلنا
فى حالة رفضها الاستجابة لمطالبنا
ج - من فضلك لا تكن سلبيا ولو مرة واحدة فى العمر
ولا تنسى ان الانترنت أصبح شئ اساسي لنا مثل الهواء والطعام د - الهدف من هذه الحملة ايصال راى مستخدمى الانترنت فى مصر للمسئولين
بشكل مهذب ومحترم وسلمى
هـ - لا تكتفى بنشر الرسالة ......
ولكن أيضا قم بارسال رسائل وشكاوى الى الايميلات التالية:
إذا لم نستطع ايصال صوتنا فهم سيقومون بذلك
عمرو أديب
alkaheraalyoum@orbit.net


أحمد رجب a_ragab@akhbarelyom.org

برنامج اليوم السابع



برنامج العاشرة مساء_قناة دريم al3ashera@dreams.tv

مصطفى بكرى-جريدة الاسبوع mostafabak@hotmail.com


برنامج 90 دقيقة



الشكوى على موقع الجهاز القومى لتنظيم الاتصالات
جهاز تنظيم الاتصالات
info@tra.gov.eg

الجهاز القومي لتنظيم الاتصالات

08003330333









رئيس الوزراء الدكتور احمد نظيف
لترفع الشكوي الي التقرير الذي يقدم له شهري





عاوزين أكبر عدد من الشكاوي


ارجو نشر هذه الرسالة للجميع من يهمهم الامر
قبل تنفيذ هذا القرار في شهر سبتمبر 2007 ليكن شعارنا ان لم تستجب الشركات لمطالبنا فلنلغى تعاقداتنا معها
فلن يكون الانترنت اغلى من ارادتنا وكرامتنا وعقولنا





١٠‏/٦‏/٢٠٠٧

بين بئر معطلة و قصر مشيد


ليس أجمل لنفس شريد أشعث أغبر تسعرت جوانحه في لهيب التيه من بئر ماء يستقي منها و يرتوي
سيطيل البقاء بجانب ذلك البئر طلبا للراحه لكنه يوما سيرحل ..
فقصره المنشود مازال بعيدا و خمائله مازالت تلوح له أن أقترب و لا تيأس ..

في حرم الصحراء يسرق ساعات من النوم حتى يستطيع إستكمال معراجه .. و ليس من الغريب في تلك الجرداء ان يداعبه عقرب أو يناغشه ثعبان أو يهجم عليه وحش من وحوش البرية المتعطشة للدماء ..
و لكنه تعلم أن الموت في سبيل تحقيق أهدافه هو أعظم شرف يمكن أن يناله في حياته ..

قسوة الحياة صبغت طباعها على ملامحه و فقرها يعرف من هيئته و شدتها حفرت الشقوق في جسمه .
كان لا يأكل حتى يجد الطعام ليس حين يشعر بالجوع أيضا لا يشرب حين يظمأ و لكن حين يجد الماء .
إذا رأيت نحافته و ضعف بنيانه تعجبت من بقاءه حيا و لكن سيزول العجب إذا ما عرفت أن زاده الصبر و الإيمان و مشربه قوة الإرادة ، فهو يعيش من أجل هدف سيحققه يوما ما .
يحمله حلمه الذي إحتضنه منذ بداية الرحلة كأم تحمل طفلها ترضعه الأمل من ثديها فيتذوق طعم الحياة الأبيض .. فيطبق جفنيه و يسم نفسه لأحلامه و أفكاره و يدندن بلحن ينقله عبر شروخ الذكرى إلي جنان الأمل ..

برد الصحراء القارص و رياحه التي تجرد الصبار من أشواكه و لياليه حالكة السواد تشعرك و كأن لعنات الإله قد إنصبت على تلك البقعة الصماء من الأرض ، صفراء بلا ملامح ، مترامية ، كئيبة ، في شريعتها الأفكار رصاص و لا يشكل الحلم سوى القهر و الرجال قرابين القسوة ، صخور عارية عالية فوق تلك الصفحة الجرداء ، طلاسم سحرية رسمتها الرياح على الرمال و كأنها نقوش الجن ، فقط لا يستطيع هزيمة ذلك الفضاء الرملي إلا رجلا إستطاع فك رموز ما خلف اللوحات ..

لم يتصور أحد من عشيرته يوما أنه لن يعود فالجميع قد إتفقوا على أنه ليس كأي إنسان ، و لو كانوا في عصر أخر لجعلوه إله للتحدي و الإقدام ..
لم يتخيل أحد أنه بشر و أنه من الطبيعي أن ينجرف مع تيار اليأس فيعبس وجهه و يستكين متأوهة دموعه متذكرا وحدته و ضعف عتاده في مواجهة مجهول لا يعرف عن قوته شيئا و لا عن جبروته ، و لا يوجد في ذاكرته سوى أقاصيص الأولين الذين ساروا على نفس الدرب و لم يعودوا مرة أخرى ..
و فكره يترنح إلي ذكريات الماضي تاره فيؤلمه و يعيده تارة أخرى إلي الحاضر فيسأمه و ينقله إلي المستقبل فيستوحشه ..
يتلفت بحثا عن سفينة نوح أو عن أجنحة ملائكية فلا يجد سوى البرد المتجذر في متاهات نفسه ..

ثم ما يلبث أن يفيق من إستسلامه حين تداعبه أحلامه مرة أخرى فيرى جمال القصر أمام عينيه و علو حوائطه و كثرة خدمه و حشمه و خضرة جنانه و رغد عيشته فينهض من غفلته و يزأر كالأسد زئير تحدي و مواجهة فيسلم ساقيه للريح عدوا و هرولة ليرى ما تمنى حقيقة .
انه لا يتمنى الا عيشة كريمة بعد أن أرهقة الفقر و أعياه الإضطهاد في واحته ، و لم يخرج إلا رفضا لإستسلام أهلها و رضاهم بالذل و المسكنة ، و لن يعود إليها مرة أخرى إلا و قد ملك زمام أمره و مفاتيح عيشته ليغير مفاهيم الحياة في واحته ،، فحتى أحلامه الشخصية لم يحلمها لشخصه ، بل سخرها للناس و من أجل سعادة الناس ..

حين تودع الشمس صحراءه و يطمس نورها في الأفق البعيد لا تترك شيئا خلفها غير ظلام دامس و سواد مخيف ، ربما تترك خلفها أيضا قمرا و بعض نجمات مسخرات بأمر ربها هدى في الظلمات ، فعندما تتراقص النجوم و ترسل بريقها الوهاج فيشق الظلام ينير الطريق و يسير على حديث القمر المؤنس و سط السماء الرماديه المعتمه ..

مضى ما مضى من أيام عمره في صحراء لا يعرف لها بداية ولا نهاية تشابهت الأيام بالليالي و الليال بالأيام ..
توقف الزمان و أستكانت عقارب كل الساعات ، توقف الهواء ، و توقفت الأرض عن الدوران ، لمعت عيناه بنظرات براقة .. توقفت أنفاسه ، هاجت دماء شرايينه ، خفق قلبه بقوة و حرقة .
أخيرا تحطم قفل اليأس . فقد تلاقت عيناه بحلمه المنشود
لقد رأى قصره ..
و كوليد يخرج من رحم المعاناه سلم ساقاه للرياح يبغي مراده فيعود الزمن ليكمل تحركه و سريانه و لكن تلك المرة يسرع الزمن في التحرك و كأنه يسابق شيئا ما ..
يقترب أكثر من الحلم في سرعة و عجلة و يسابقة الزمن
و يسرع أكثر و أكثر و يقترب أكثر و مازال الوقت يسبقة ..

متسمرة قدماه أمام بوابة القصر يسترجع ذكريات الماضي المؤلم و يشاهد أمل المستقبل المشرق حتى ينفجر الباب من صدى الصرخات و ألوف الذكريات و شلالات الهموم التي تغرق قلبه فيسقط مغشيا عليه و تقترب نهاية تلك الروح و الزمن لا يتوقف ..
تدنوا منه سعادته التي حلم بها و جدران قصره و طيور حديقته فتهمس في أذنه ..
أي حلم قتلك ؟؟ .. أي ذكرى حطمتك ؟؟ .. لا تمت فأنا قد وهبت إليك ،..
إستجمع ما تبقى من روحه في ابتسامة حزينة ، ابتسامة تبكى من يراها ، و نظر إلي وردة حمراء في حديقته فمد يده و قطفها
ثم اشتم عبيرها و احتضنها حتى سقطت من يده و خرجت روحه تنظر إلي حلمه الذي عاش طيلة عمره سعيا لتحقيقه ..
---------------













حلمت بلا شيئ أو كل شيئ .. مرعب زحف الليل على الأفكار .. رجعت مرة أخرى إليّ و لكن ما وجدت أحدا بالانتظار ..حلمت بلا شيئ أو كل شيئ مستحيل .. و الطريق طويل و الصبر مرير ، توقفت حين لم أجد خطوتي التالية فقررت العوده و لكن دفعتني إليها أنفاسي الباقية ..
تلك الأشواك التي تدمي أيادينا تجعلنا نعرف روعة جمال الزهرات ، كذلك الأشواك التي تدمي قلوبنا تجعلنا نقدر جمال العيش و قيمة الحياة و لولا نزيف دماء القلوب ما شعرنا بقيمة أحلامنا حتى لو قضينا العمر كله بحثا عنها ..

٩‏/٦‏/٢٠٠٧

الحلم

الحلـــــم
لقد أعتدت أن أؤمن في الأحلام ، أعتدت أن يكون لدي حلم ، وأن أحارب في سبيل حلمي . حتى لو لم أستطع تحقيقه ، كنت أستمتع بكل لحظة أحارب فيها من أجله
أتعلمون لماذا ؟
لأني أؤمن بحلمي
نحن نحيا من أجل أحلامنا .. و يكفينا شرفا أن نموت في سبيل تحقيق الحلم
أنتظروني قريبا جداً جداً
(( بين بئر معطلة و قصر مشيد ))

١١‏/٥‏/٢٠٠٧

الأمير الشهابي

حزمان حبيبي أنا مشفق عليك قولتلك بلاش القسم دا ماسمعتش كلامي
أخيرا هاشوف حد مشمأنط غيري
بس سؤال مهم مين شاعرك المفضل إختار ما بين
نائح الطلح و أمير العاشقين و الأمير الشهابي
الأمير الشهابي
حبيب قلبي منور تدبيستي
الامير الشهابي و نائح الطلح و أمير العاشقين
مستقبل الأدب في مصر
ربنا يوفقكم جميعا
---------
الشهابي كان بيحاول يزنقني
احنا اللي هنعمله في الناس هيطلع علينا و للا ايه

كاتشب بتاع حمرا يا قوطه

سلام عليكم
مش هسأل حاجه
انا بس متابع و شمتان في التدبيسه
طيب سؤال واحد علي السريع
ايه هي الحاجة اللي كتبتها و فرحت جدا بيها و حبيتها بجد
بلاش ردود بتوع السيماا اللي هي كل افلامي بحبها و الحاجات دي
أستاذ شمتان
قصدي كاتشاب
الدنيا زيي الخياره يوم في ايدك و يوم في طبق السلطه
اكيد هييجي اليوم وهشمت فيك يا صاحبي
لأ مش كلها و الله يا كاتشب
فيه حاجات كتير كتبتها و مش بحبها
انما من أكتر الموضوعات اللي بحبها و قريبه إلي قلبي
شيطاني العليل
-------------
جدع يا كاتشب سؤال واحد زيي الفل
و كفايه اللي بيتعمل فيا من اكتر من شهر

نور محمد


خد بالك يا حزمان أنا بحب الإستغلال
بس كده انا تحت أمرك بس خليكي فاكره انت اللي قولتي
إقتباس:
أنا هادبس واللى انا هادبسه هايدبس حد وهكذا
ممكن تقولنا بتشتغل ايه؟..... وبتحب شغلك ولا مغصوب عليه ؟
انا يا ستي بشتغل باحث شئون إدارية في شركة تتبع قطاع البترول
و انا من المؤمنين بالحكمة القائلة حب ما تعمل لتعمل ما تحب

وإذا مكانتش دى رغبتك .. فكنت تحب تدخل ايه؟
كان نفسي أطلع مخرج سينمائي

وقد ايه شغلك اثر فيك سواء بالسلب أو بالإيجاب...؟
في الحقيقة شغلي الحالي أثر فيا بالسلب جدا
لأنه عمل روتيني بحت
تنعدم فيه إكتساب الخبرات و التطلع إلي آفاق جديده في مجالات أخرى
لكن أنا بحاول أعوض ده من خارج الشغل
أكيد بتحب القراءة.... فى أى المجالات ؟؟

حاليا أعشق القراءة
لو كنت سألتيني من 5 سنين السؤال ده كنت هقولك بكره القراءة جدا
و الحق يقال
كان لقهوة كتكوت الفضل في تغيير نظرتي للقراءة
فذلك المكان جعلني عاشقا للقراءة و الكتابه
و انا لست ممن يفضلون مجالا عن أخر في القراءة
أحب أن أقرأ في جميع المجالات شرط أن يعجبني النص و يؤثر فيا الأسلوب
وإسم أكتر كتاب بتحب تقراه دايماً وبترجعله على طووووول لو على النت ياريت تجيبهولنا _بقولك إستغلاليه
أكثر كتاب أعجبني و أثر فيا جدا


لا تحزن
المؤلف: عائض القرنى
الموضوع: "رقائق وزهد"
أضغط على صورة الكتاب للتحميل



نبذة عن الكتاب



هذه دراسة جادة أخاذة مسئولة , تعنى بمعالجة الجانب المأساوى من حياة البشرية, جانب الاضطراب والقلق, وفقدان الثقة والحيرة , والكآبة والتشاؤم, والهم والحزن.وهو حل لمشكلات العصر على نور من الوحى , وهدى من الرسالة , وموافقة مع الفطرة السليمة, وفيه نقولات عن الصحابة الأبرار والتابعين الأخيار, ووصايا الأطباء ,



شاعرك المفضل دا لو بتحب تقرا شعر
أبيات شعر أو قصدية بتحبها




الشعر متنفس الروح

أنا قارئ جيد للشعرو شاعر فاشل جدا حتى أسألوا الأمير الشهابي

من أكثر الشعراء الذين أعشق نبض أقلامهم المتنبي و شوقي و حافظ ابراهيم و خليل مطران


و خصوصا




المســـــــــــــــاء


خليل مطران




داء ألم حسبت فية شــــفائي من صبوتي فتضاعفت برحائى


قلب أذابته الصبابة والجوى وغلالة رثت مـــــــــن الادواء


* * * * *


إني أقمــت على التعلــة بالمــني في غــربة قالوا تكـــون دءائى


أن يشف هذا الجسم طيب هوائها أيلطف النيـران طــــيب هواء ؟


عبث طوافي في البــــــلاد وعلــة في علة منفاي لا ســــتشفاء


متفرد بصـــــــــــــــــــبابتي متفرد بكــــــــابتي مــــتفرد بعنــــــائي


شاك الى البحر اضطراب خواطري فيجيبني برياحه الــــهوجاء


ثاو على صخر أصم وليت لي قلبا كهذي الصـــــــــخرة الصماء


ينتابها موج كموج مــكارهي ويفتتها كالــــــــــسقم في أعضائى


والبحر خفاق الجوانب ضــائق كمدا كصدري ساعة الإمساء


تغـــــشى البرية كدرة وكأنها صعدت الى عيني من أحشائي


والافق مـــعتكر قريح جفنه يغضي على الغمرات والاقذاء


* * * * *


ياللغروب وما به مــــن عبرة للمستهام وعبرة للرائى


أوليس نزعا للــنهاروصرعة للشمس مآتم الاضواء


ولقد ذكرتك والنهار مــــــــودع والقلب بين مهابة ورجاء


وخواطـــري تبدو تجاه نواظري كلمي كدامية السحاب أزائي


والدمع من جفني يسيل مشعشعا بسنا الشعاع الغارب المترائي


والشمس في شفق يسيل نضاره فوق العقيق على ذرى سوداء


مرت خلال غــــــــمامتين تحدرا وتقطرت كالدمعة الحمراء


فكأن آخردمعة للــــــــكون قد مزجت بآخر أدمعي لرثائي


وكأنني آنســـــــت يومي زائلا فرأيت في المرآة كيف مسائى





موضوع قرأته فى القسم هنا ومش ناسيه


مش هبالغ لو قلت ان فيه مئات المواضيع اللي عمري ما أقدر أنساها








شفرة شاهين شى حا ثروت الخرباوي







موضوع لعضو رطلاوى لما قريته قلت ياريتنى أنا اللى كتبت الكلام دا
كنت بسمع المذيعات بيسألوها للممثلين بس عن الأفلام
مع لينكات المواضيع دى لو أمكن
خنيقة خنيقة ياخواتى من يومى




السؤال ده دمه زيي العسل


ماشي






بس أنا كان نفسي أكتب أيتها الست من فضلك إتكتمي




أعضاء القسم رأيك فيهم ايه....؟


بصراحة كدا وبكل وضوح _مطلع أغنية دا باين؟

هو ده اللي كنت خايف منه


معلش عايز أخلع من السؤال ده


عشان إجابة السؤال ده هتخسرني ناس كتيييييييييييييييير جدا


فسيبيني محتفظ برأيي لنفسي


الا انني ممكن أقول رأيي فيكي يا نور


بس خللي بالك انت قولتي من الأول مفيش زعل


نور انت بجد من الشخصيات اللي بحترمها جدا


إلا انني معارض و بشده لبعض أرائك المتحيزة للنساء


لكن بجد ده عمره ما قلل من مكانتك عندي


أعتقد بعد الرأي ده عذرتيني في الإمتناع عن إجابة السؤال ده



فكرة نفسك تتنفذ فى القسم هنا...؟

نفسي أعدم و في ميدان عام


كل من له رأيي يتطاول على ماجاء في كتاب الله و سنة رسوله


و كل من تكتب أو يكتب للتحريض على التمرد و الوقيعة


و أحذف المواضيع دي من جدورها


و أحذف عضوية الكاتبين كمان



حزمان إنسان إجتماعى أم إنطوائى؟




بصي يا ستي


ممكن تقولي إنطوائي مع من لا أعرفه


و لكن بمجرد ان يتم التعارف و القبول تجديني إجتماعيا جدا



الناس والأصدقاء فى حياتك مهمين؟؟؟ ولا قلتهم أحسن..؟

الناس و الأصدقاء أهم ما في حياتي و لا يوجد في حياتي أكثر من الأصدقاء


و لله الحمد صداقاتي ناجحه جدا



شخص أثر فيك جداً

والدي رحمة الله عليه


و صديقي العزيز جدا نائح الطلح



مدونة بتحب تقرأ فيها دايماً ...ممكن أكتر من واحدة




مش مقتنع


هو جعــاان


خطوة عزيزة


سوسة المفروسة


بلو رووز


وشوشات


أحاسيس زجاجية


لما بحب أكتب


متشرد



فى موضوع لغفران عاجبنى قوى إسمه طقوس طقوش طقوس


واضح من العنوان
إيه هى الحاجات اللى بتحرص إنك تعملها لدرجة إنها اتحولت من غير ماتحس لطقوس...؟




كوبايه النسكافيه مع السيجارة في الشغل الصبح تحولت لطقوس



فى راى عمليات فيك فى التجمع الكتاكيتى


إقتباس:
المشاركة الأصلية بواسطة عمليات
حزمان... كتلة فكر متنقلة.. حتى سلامه عليا كان فيه فكر.. معرفته يندفع فيها فلوس وربنا


نفسى أفهم كان سلامك فيه فكر إزاى يعنى مش قادرة أتخيل ؟



هههههههههههههههه


و الله انا مش عارف عمليات قال كده ليه بس كانت مفاجئة عظيمة جدا جدا يومها إني أقابل عمليات


نور


انا توجهت للقاء اليوم ده و فيه ناس كتير كنت مستبعد تماما اني أقابلها


زيي أنا جعان مثلاعمري ما تخيلت ان هيجي اليوم و أقعد مع ذلك العملاق


( قدرا و ليس حجما )




و ناس تانيه كنت أعد مقابلتي معها درب من المستحيل


زيي عمليات


المفروض ان عمليات في السعوديه


بسلم على الناس نفر نفر وجيت وقفت قدام واحد بيسلم عليا بيقوللي ازيك يا حزمان و انا بصيتله و سلمت عليه و بقوله مين حضرتك ضحك و كأنه عارف ردة فعلي لما اعرف انه عمليات


و قاللي عمليات


انا اذبهليت و تنحت و مستوعبتش و احنا الاتنين أثناء الترحيب الحااااااااااااار جدا متكلمناش بلساننا


بس كانت قلوبنا بتتكلم


و كأنها بتقول اننا نعرف بعض من زماااااااااااااااااان



التجمع اللى حضرته دا كان أول تجمع تحضره؟؟ وإيه رايك فيه؟؟

فعلا ده كان أول تجمع أحضره


و حسيت اني خسرت كتييييييييير أني محضرتش لقاءات قبل كده



مين أكتر كتكوت كنت راسمله صورة فى خيالك ... وطلع زى ماانت تخيلت تمام؟؟؟


مش قصدى فى اشكل

طالما قولتي مش بتتكلمي ع الشكل


يبقى الأمير الشهابي




مسك الختام .. قارئك المفضل




القارئ المفضل مشاري بن راشد العفاسي




وآيه من القرآن بتأثر فيك كل ما تسمعها




أكثر آيه تؤثر فيا في القرآن الكريم




قُلْ يَا عِبَادِيَ الَّذِينَ أَسْرَفُوا عَلَى أَنفُسِهِمْ لَا تَقْنَطُوا مِن رَّحْمَةِ اللَّهِ إِنَّ اللَّهَ يَغْفِرُ الذُّنُوبَ جَمِيعاً إِنَّهُ هُوَ الْغَفُورُ الرَّحِيمُ - الزمر : 53




وكلمة أو حكمة عجبتك ونفسك تعمل بيها

صمت تسلم به خير من نطق تندم عليه




طيب أنا كدا بقيت خنقة قوى قوى


كفاية مؤقتاً وابقى فكرلنا فى حد حلو كدا ودسم تدبسهولنا علشان نفعصه




أديني فرصة أفكر أصلهم كتير جدا


المهم اللي هختاره هيصعب عليا بجد



ملحوظة لو فيه حاجة مست جزء شخصى


فأنا آسف يابيه ماكنش قصدى أصلى بجيب الكلام من الفرن إلى المائدة طوالى


وممكن تطنشها




إطلاقا يا نور إنت إدرتي الحوار بمهاره أحسنتي يا نور محمد


بارك الله فيكي



إللى نفسه ف حاجة يقولها ياعيااااااااااااال




لأ محدش يقول حاجه الله يخليكم
ممكن تقولى أول مادخلت رطلين مخ بعد حادثة كتكوتونامى الشهيرة وهى طيران الموضوعات ..أجمل الموضوعات اللى عرفتنا كلنا ببعض كان إحساسك ايه؟
أكتر حاجه ضايقتني و زعلتني بجدان رطلين مخ بالذات كان فيها كميه - مش هقول مواضيع - مراجع ثقافيه لن تجديها في أي مكان في العالملكن قدر الله و ما شاء فعلانا كنت واثق من أعضاء رطلين مخ و أنهم هيقدروا يرجعوا المواضيع د من جديدو هيقدموا أفضل من اللي راحت
رأيك فى
الأمل
أحسبه دافع للحياه ممزوجا بإستسلام
ولذلك أفضل أن أسميه الطموح فالطموح أمل و عمل
الإحباط
حاله يأس مؤقته تزول بزوال الظرف المحبط و ينتج طاقه جباره إذا ما أحسن الإنسان إستغلالها و هي ما أسميها (( طاقة اليأس ))

الخيانة
من حيث الشعور فهو طعنة بخنجر و من حيث الفعل فالخائن لا يستحق حتى مجرد التفكير في شخصة أو مبررات خيانته

الغروب
الراحه من عناء يوم و الاستعداد لعناء ليله
سؤال عجبنى جداً .. مع بعض التحوير_لو عندك فرصه تكون رسام لمدة ساعتين بس فى حياتك.. تختار أى رسمها ترسمها ؟؟؟شوفت الفن؟
دلوقتي مش هفكر أرسم إلا سرير و مخده و بطانيه
_أظرف موقف حصلك هنا؟أنا مثلاً أظرف موقف حصلى لما بعت رسلة خاصة لأحد الأشخاص وماردش ولا شافها غير بعد سنه بالتمام...كان يوم مش ممكن
أظرف موقف حصلي هنا كان بعد موضوع بنات أفكار زووم
لما خلاني حانوتي يظهر ان كل الناس صدقت اني حانوتي
حتى انا كمان
وحدووووووووووووووه

_لازم دا بقى وغتاتة... حط لنفسك سؤال وجاوب عليه
بس كده
حاضر
عندك كام سنه يا حزمان ؟؟
يوم 17 الجاي هكمل 27 بالتمام و الكمال


متشكرة جداً يا حزمان جداً جداً

حقيقي انا اللي متشكر جدا يا نور
--------------
الحمد لله خلصت علقة نور محمد
اللي بعده

ثم حدث في قهوة كتكوت

دردشة سريعة مع عضو رطلاوى
واخدين بالكوا رطلاوى بس
مافيش إتفاق
هى تدبيسة
ويارب مايكونش فيه زعل
ولا إعتذارات
أنا هادبس
واللى انا هادبسه
هايدبس حد وهكذا
إذا الموضوع دا مامشيش أنا هاعتزل الفن
بس يارب اللى بيتدبسوا يكونوا من الناس اللى من زمان غايبة ومش باينه فى القسم
علشان بجد بجد هم وحشونا قوى
بسم الله بندأ
أول متدبس معانا الأخ العزيز

حزماااااااااااااااان
ان ان ااااااااااااااااااان ديش
-------------
و دبستني نور محمد
مش عارف هي كانت متفقة مع بتوع المدرسة انهم ياخدوني بالدور
التدبيسة دي كانت بعد ما خلصت الحوار في المدرسة مباشرة
أكيد كان إتفاق
(( ياريتني كنت أقدر أضيف صوت واحد بيعيط ))

د / ساره

أسف جدا يا أسكندرانيه
أتأخرت في الرد عليكي
بس أنا واثق أنك لما تعرفي ظروفي اليومين دول
هتفرحيلي جدا
عموما سامحيني و أدعيلي
بس انا مش هسامحك عشان نشطتي الموضوع ده تاني
----------------

هههههههههههههههههههههههه
انا شايفه كدا بردوخلينا نستمتع من اول وجديد
انا عن نفسي حكون مبسوطه جدا
انا ماكونتش متخيله العمق اللي في شخصيتك دا اه كله بيقول حزمان وانا بحترمك طبعا وكل حاجه
انما اما شوفت بعيني
اختلف الامر

أسكندرانيه يخجل الكيبورد من الرد على تلك الكلمات البليغه
بارك الله فيكي
و أتمنى ألا تتغير تلك النظره لعلها تشفع لي يوم الحساب
منكن اسأل بقي؟
بدون شك
بتحب القراءه؟ لمن قرأت ولمن تحب تقرأ؟
أصبحت أحب القراءة جدا
قبل إرتباطي بالإنترنت لم أكن أهتم بها مطلقا
إلا أن قرائتي للمواضيع المكتوبه و إعجابي الشديد بها
جعلني أتسائل
إذا كنت قد أدمنت القراءة لشخصيات غير معروفة على الإنترنت
فماذا لو قراءت لعظماء الكلمات
و بدأت في القراءة
و أعشق كتابات
العقاد و طه حسين و نجيب محفوظ و غيرهم الكثير و الكثير
الحياه لوحدها خبرة اكيد انما في عوامل ........... اشخاص ,,,,,,,,,,, ظروف ...............بتكون افكارنا واتجاهاتنا من اين لك بهذا العمق في شخصيتك؟
أولا هو ليس عمقا
و لكنها الفطره
أنا في حياتي مريت بمراحل عديده جدا و كل مرحله كان ليها أثرها على نفسي
في مرحله الطفوله
أو كما أسميها
مرحله ما قبل وفاة والدي رحمة الله عليه
رغم قصر تلك المرحله فهي لم تكن أكثر من 14 سنة
شيلي منهم 7 عدم تمييز
يعني 7 سنوات تعلمت فيهم معنى الرجوله و تحمل المسئوليه و قوة الإرادة و معنى كلمة مبدأ و الدفاع عنه
ثم تعلمت كيفيه تحقيق المعادله ألا وهي
ألا أقصر في حق الله
حتى أنني قد حججت بيت الله في تلك الفترة أكثر من مره
-------------
ثم مرحله ما بعد والدي غفر الله له
الثانويه العامة و بدايات سنواتي الجامعيه
و أصطدمت فيها مع الواقع بكل إستهتاره و تسرعه و عدم مبالاته
حتى أنني قد تعلمت التدخين في تلك الفترة و لم أستطع الإقلاع عنها حتى الآن
و هو أيضا ما قد جعلني أفشل في الناحيه العلمية في السنتين الأولتين من الثانويه
ففي الصف الأول الثانوي حصلت على مجموع 140 درجه أي 50 %و في الصف الثاني الثانوي
و قد كنت في القسم العلمي حصلت على 48 % و راسب في مادتي الكيمياء و الأحياء
حتى حانت لحظة اليقظة
و إستدراكي لما قد تعلمت من والدي رحمة الله
حولت مساري إلي القسم الأدبي
و ذاكرت السنتين معا
و خرجت منهما بمجموع 70%وهو إنجاز لم يصدقة أحد
و التحقت بكليه التجارة جامعة الأسكندرية
حقيقة أنني رسبت تلك السنة إلا أنني تعلمت أشياءا لم أكن لأتعلمها طوال حياتي لولا تلك السنة
أبسطها الإعتماد على النفس في كل صغيرة و كبيرة
---------------------
ثم مرحلة الإلتزام الديني
و فيها تعلمت أهم شيئ في الحياة كلها(( العقيدة ))معناها و المراد بها و ما ينافيها
تعلمت أيضا أن الخطأ مهما كان يغتفر إلا خطأ في العقيدة(( أعتقد أن ذلك يفسر كل مواقفي السابقة و أرائي المتشددة في بعض الأحيان ))لن أضرب أمثلة حتى لا أفتح مناقشات أغلقت
---------------------
ثم الجيش
و لن أطيل الحديث عنه فالكل يعرف ما هو الجيش
و بعد ذلك الحياة العملية و الإختلاط بنوعيات و نفسيات و أعمار و ثقافات مختلفة
و لا أترك أي موقف إلا و أتعلم منه
أو أعلمه شيئا جديدا
----------------

مافكرتش تقترح عمل قسم بالمدرسه للغه العربيه لمحاوله اصلاح ما يمكن اصلاحه .............ماحلمتش يكون بين اصدقائك مبادئ اللي اتنست من لغتنا ؟ولو ماكونتش بتفكر هل فكرت دلوقتي بعد سؤالي دا ؟
في الحقيقة فكرت كتير في الموضوع ده
و كان أول خطوة عملتها في سبيل تحقيق الحلم ده
هي إني أقترحت ضم قسم النصوص مع قسم التعبيرفي موضوع سابق أعتقد حضرتك قرأتي الإقتراح ده
و في الوقت المناسب سأقترح
ضم القسمين مع إعادة تسميتهم بـ ( حصة اللغة العربية )و سأقترح أيضا تولي نائح الطلح مشرفا على القسم الجديد
و من هنا و حتى يحين الوقت المناسب لذلك
فهناك خطة موضوعه أتحرك على أسسها
و هي ألا أكتب بالعامية إلا في أضيق الحدود
و يسير على ذلك النهج كل أصدقائي من أنصار الدفاع عن لغتنا العربية
ماذا تعني لك هذه الكلمه
مبدأ

شريعة أو قانون يضعها صاحبها و يدافع عنها و لا ينتهكها
و إن إنتهكها يقاضي نفسة على مخالفته
في نظري أن المبدأ أقوى ألف مرة من القانون الوضعي فهو يضاهي قانونا إلهيا
فالقانون الوضعي ما أسهل إختراقة و ما أسهل التلاعب فيه
حتى أنه الآن فقد في نظري قوتة و هيبته

حكمل باقي الاجوبه بتاعتك واجي اسأل بقي تاني اكيد ان شاء الله
-----------------
الدكتورة كانت بتقول انها هترجع تسأل تاني
بس مش هترجع
الله يكون في عونها بقى

٢٦‏/٤‏/٢٠٠٧

الزنبقة البيضاء


من دواعي سروري ان تهتم بسؤالي شخص
يحمل ذلك القلب الهادي الطيب النقي الشفاف
زهرة الصبارأعتذر عن التأخير
بعد أن إنتهيت من الأسئله الصعبه
أوجه لحزمان العضو الجرئ
الناقد لجميع الأوضاع
والناقم من أغلب الأوضاع مجموعه من الإستفسارات
صدرت الأوامر من الشاهقات مقاما
و على الأقزام السمع و الطاعة
أولا
باسمك اللهم
مصطلحات كنت عايز إني أعرفها
تعريفات بعيده عن الكتب
عايزه تعريفاتك ياحزمان
سمعا و طاعة
الأزهر
لا أعتقد مطلقا أن سيدتي تقصد حديقة الأزهر و إن كانت أروع ما يحمل أسم الأزهر في الوقت الحالي
فلفتعل مقارنة بسيطة بين الأزهر في زمنين مختلفين و لن نبتعد بالزمن كثيراو ننظر إلي الأزهر الشريف أيام فضيلة الشيخ جاد الحق على جاد الحق و فضيلة الإمام الأكبر سيد بيه أوكيه
لا أريد أن أتجنى على أحد بعموم ذلك الكلام فخلف الأضواء من أحسبه على خير و لا أزكي على الله أحد
الوحدة العربية
لا أراها مستحيلة و الدليل على ذلك ان المهدي المنتظر سيجمع العرب و المسلمين جميعا
و لو وهبنا الله حاكما يتقيه لرزقنا الوحدة
القدس
وصمة عار على جبين كل العرب
ميناء الإقلاع من الأرض إلي الجنة أرض الله المقدسة التي سنسأل جميعا عنها يوم القيامة
التوريث
إن كانت ملكية خاصة فلينفذ حكم الله فيها و توزع على الورثة
و إن كانت عامة فأنضموا لنا و لا تكتموا الشهادة

الملكية الفكرية و حرية التعبير

الحق مكفول للجميع فلكل أفكاره التي تستوجب الإحترام و من حق الجميع أن يعبر عن تلك الأفكار بكامل حريتة

ما عدا

إستخدام تلك الحرية في التجريح في الأخرين

إستخدام تلك الحرية في الأمور الدينية

المعارضة

إذا تكلمنا عن تعريفها فسنجد انها كل ما لا يتفق مع سياسة الحزب الوطني إذن الشعب كله من المعارضة

و إذا ما تكلمنا عن مضمونها فهي شكل سياسي مختلف الإتجاهات و المذاهب و الأهداف و رغم ان جميع تلك الاتجاهات متفقين على المسمى (( معارضة )) إلا ان جميعهم معارضين للأخرين أيضا

الليبرالية

حركة سياسية لا أحبها ... أنا لست ليبراليا ... و أعي تماما خطورة تدمير الليبراليه للقيم و المعتقدات و الأعراف داخل مجتمعنا إلا أنني أراها أفضل نظام سياسي موجود في الوقت الحالي

العولمة

تحويل العالم إلي قرية صغيرة متصلة و مترابطه يعتبر إنجازا عظيما لا يتخيلة عقل و لكن

ليس من المعقول أن نربي أرنب و ثعلب في قفص واحد

الإنتقام

الَّذِينَ يُنفِقُونَ فِي السَّرَّاء وَالضَّرَّاء وَالْكَاظِمِينَ الْغَيْظَ وَالْعَافِينَ عَنِ النَّاسِ وَاللّهُ يُحِبُّ الْمُحْسِنِينَ [آل عمران : 134]

مسجد الحسين و السيده نفيسة و أمثالهم

قال صلى الله علية و سلم ...لعن الله اليهود و النصارى اتخذوا قبور أنبيائهم مساجد ‌.‌صدق رسول الله صلى الله عليه و سلم

تخريج السيوطي

تحقيق الألباني

الروتين

لو تم إلغاؤة فستعالج ظاهرة فساد الموظفين و تربحهم من وظيفتهم

إنسان

مجموعة من الحقوق و الواجبات إذا طغت إحداهما على الأخرى فسد معنى الكلمة

التعديلات الدستورية

كما أسميتها في مدونتي (( التعديلات التوريثية )) الخطة التي وضعها النظام الحاكم لتوريث حكم البلاد إلي ننوس عين أمة

---------------------

بالمناسبة هو عازمكم على فرحه يوم 4 / 5 / 2007 في شرم الشيخ فندق جراند حيات

هيعمل حفلة جوازة و حفلة عيد ميلاد ابوه مع بعض عشان يوفر

الطلاق

أبغض الحلال

بس حلال

الغيرة

سلاح ذو حدين إما تفسد العلاقات أو تجعلها أنجح العلاقات

هل لك نشاط سياسي فعلي

بالتأكيد لو جاوبت على السؤال ده هلاقي البوليس السياسي مشرفني قبل ما أخلص رد على أسئلتك يا زهرة

عموما لي نشاط و لكن ليس بالشكل الرسمي المتمثل في الأحزاب

يوم أزمة المدرسه

ظهرت بموقف غير اللي أنا كنت منتظراه من حزمان القوي

من وجهة نظري

هل هوا ده فعلا حزمان ولا دي كانت مجرد حاله مؤقته

مجرد حالة يأس مؤقتة

على فكرة السؤال ده حلو جدا

تعرفي اني كنت عايز أكتب موضوع عن اليوم ده

الجميع أصيبوا بحالة من اليأس و كادوا يستسلمون

و يستغنون عن الحلم و يتركون المدرسة تغلق

الموضوع اللي كنت عايز أكتبه كان هيبقى عن(( طاقة اليأس )) شوفتي اليأس اللي كنا فيه ولد جوانا طاقات عظيمة أزاي

و الوضع الأن خير دليل

صفه من صفاتك محدش في أسئلته قدر يوصلها وتحب نعرفها عنك

أنا ديكتاتوووووور جدا

و ده إعتراف حصري لمدرسة المشاغبين

بس فيا ميزة حلوة أوي

إني بقدر أخللي اللي قدامي يعمل اللي انا عايزة حتى لو كان هو مش موافق عليه و بحب شديد

إن بيت أبوك خرب خد لك منه قالب

هل إنت مؤمن بهذا المثل؟

البيت هنا وصل لحد الخراب

و بالتأكيد ذلك القالب إن إستفدت به سيقلل حجم الخسارة

مانسبة المصداقيه في إجاباتك في اللقاء عموماً ؟

أخشى أن أقول 100% فأخدع نفسي

عموما لن أجيب على ذلك السؤال و سأتركه لإحساس القارئ

سؤال كان نفسك حد يسألهولك ؟ وجاوب عليهوما تقولش مفيش

كان نفسي حد يسألني

هل حزمان يحب مصر أم أنه يكرهها كما يتصور أغلب من في ذلك المكان ؟؟

أما الإجابة على ذلك السؤال

أعشق النيل و أكره تلوثة

أعشق شوارعها و أكره مقالب الزباله اللي ملياها

أعشق هوائها و أكره الدخان الذي ملئه

أعشق الحياة في مصر و أكره إستعبادها للخلائق

أنا بحب مصر

بس حاسس انه حب من طرف واحد

جميع الأسئله إجباريه

لا يستطيع حزمان رفض طلب لزهرة المدرسة

و تمت الإجابات إختياريا لا جبريا و بكل سعة صدر و ود أدامة الله


-------------

يارب ميكونش فيه أسئلة تاني
ده انا لو في قسم الأزبكية مكنوش هيعملوا فيا كده

اللي كنت خايف منه حصل


وما نظرتك لبناتنا وتعاملهم مع النت؟؟
أصر على إجابة السؤال وبكل صراحة
ولن أقبل هروب لإنى محتاجة رأى خبير مثلك وله 7 سنوات
على الشبكة وصدقنى ده هيفيد ناس كتير
وهتاخد ثواب كبير بس جاوب بكل صراحة مع ذكر بعض الأمثلة
تقيــــــــــــــــــه
يا ترى أنت أصريتي على إجابة السؤال ده
و للا ألحيتي
معلش تفرق معايا

توكلنا على الله
و ربنا يستر
-----
خلينا بس الأول نتفق على شيئ مهم
لماذا تتجه الفتاه إلي الإنترنت ؟؟؟
(( على فكرة أنا بتكلم عن فئة بنات الشات و المنتديات ))
و هحاول ما أظلمش حد
للإجابة على ذلك التساؤل سنجد أن هناك 3 أسباب رئيسية تجعل الفتاه تتجه للإنترنت
1 - أوقات فراغ
2 - مشاكل حياتيه
3 - نقص عاطفي
عندما تجتمع تلك الأسباب في شخص الفتاه -
بالإضافة لوجود كابل dsl في البيت

تتجه مباشرة إلي الإنترنت لتبحث فيه عن ضالتها
في الحاله دي البنت بتكون فريسه سهله جدا
مش فريسة للصياد بل فريسة سهله جدا للشيطان
----- تعالي بقى نقسم البنات تقسيم عمري -----
أولا .. سن المراهقة
و هنبتدي من المراهقة لأن نادر جدا تلاقي بنات أصغر من كده على النت
الفترة دي فترة خطيرة جدا
مش من الناحية الجنسية فقط بالعكس فقد تكون تلك الناحية هي الأخف ضررا على المجتمع
المرحلة دي هي مرحلة تكوين الشخصية والقيم و المبادئ
لما بنت في السن ده تتفاعل من هم أكبر منها سنا
من أصحاب أراء الحريات و التمرد و الثورة و المساواه ... بالطبع هتتأثر بيهم
و ده هيأثر على علاقتها بأهلها في البيت
و لك أن تتخيلي المصائب التي ستحدث من خلال تجربه من هن في تلك السن مع الإنترنت
طيب تعالي من الناحية الجنسية
أو بلاش نقول جنسية خلينا نقول من الناحية العاطفية
و الأتنين هيؤدوا إلي نفس النتيجة
(( لاحظي اننا هنا في مصر عايشين في مجتمع منغلق لا يسمح بالإختلاط
بالإضافة أننا مجتمع مسلم يحرم العلاقة بين الرجل و المرأة
بالإضافة لغياب الوعي الديني و الجهل أو تجاهل المحرمات و الكبائر ))
في المرحلة دي البنت بتكون محتاجه بشكل ملح جدا
انها تحس بأنثويتها
و هتتأثر بأي كلمة رقيقة تتقال لها
حتى لو قالها واحد عمره ما شافها انها جميله
هتنساق وراء غرائزها و هقول تنساق لأنها في الحاله دي بتكون فاقده الإراده
و مع غياب الوازع الديني و غياب الرقابه
سيحدث ما لا يحمد عقباه
أو أخف الأضرار هتكون تجربة حب فاشله
---------------
نخرج من المرحلة دي و ندخل في مرحلة تانيه
ثانيا .. سن الزواج
شبح العنوسة
و ظروف المجتمع التي أدت لتأخر سن الزواج بصفة عامة عند الرجال و النساء
و متطلبات الزواج القاسية
و رغبة الفتاه الجنسية
و غريزة الأمومه عندها
ضعي كل هؤلاء في كفة ثم ضعي إرادة الفتاه في الكفة الأخرى و أخبريني أي الكفتان سترجح
تدخل الفتاه لعالم الإنترنت متوهمه أنها ستستطيع أن تصطاد من ينتشلها من أمام كل تلك الأشباح سالفة الذكر
- و خللي بالك في المرحلة دي الرجل بيكون هو الفريسة -
و لأن الرجل يكون في أضعف حالاته أمام كلمة رقيقة من إمرأة
أو كما يقولون (( تنهار قوة الرجل عندما تبكي المرأة ))
فيقع فريسة سهلة في شبكة الصياد
أقصد في شباك الفتاه
و سرعان ما ينهار الحلم مرة أخرى لعدم قدرة الإثنان على مواجهة قسوة ظروف المجتمع
ثم يحدث ما لا يحمد عقباه
أو أخف الأضرار
تجربة حب فاشلة
-----------
نيجي لمرحلة أخرى
رابعا ... ما بعد مرحلة سن الزواج
و دي هنقسمها لحالتين
1- فتاه لم تتزوج
2 - فتاه تزوجت بالفعل
----
1 - فتاه لم تتزوج (( عانس ))
و دي بتكون وصلت لمرحلة عاليه من اليأس و الإكتئاب
إنهارت أمامها كل قيمة سواء إجتماعية أو دينية أو أخلاقية
( على فكرة أنا قلت أن القيم إنهارت أمام اليأس - و لم أقل أن الفتاه إستسلمت )
- أقصد ان ممكن يكون حفاظها على نفسها من باب الزهد إنما مش من باب المحافظة على القيمة نفسها -
و تعتبر كلامها مع الشباب إثبات ليها انها مازالت مطلوبه
و مع تطور العلاقة
بيكون أيضا أخف الأضرار
علاقة أخرى فاشلة تضاف إلي كم التجارب الفاشلة
2 - فتاه متزوجه
+
1 - أوقات فراغ
2 - مشاكل حياتيه
3 - نقص عاطفي
و كابل dsl
=
( .... كارثة .... )
---------------------------
المرحلة الأخيرة
دي بقى مرحلة لذيذة جدا
تلاقي واحده عندها ييجي 50 سنة
و عامله أكونت كاتبه فيه ان سنها 21 سنة و أسمها نانسي عجرم
و مواليد برج العذراء الشعر كستنائي مصبوغ و لونه الأساسي أصفر
و العيون لينسيس بني و لونها الأساسي أزرق بس اللينسيس عشان الحسد
القوام رشيق و الطول مناسب
تعشق السباحة و ركوب الخيل
و ليس لها تجارب سابقة
-------------------
لو قفلت الكلام على كده هبقى بظلم شريحة كبيرة جدا
--- و للحق ---
ليس كل الفتيات تلك الفتاه
و انما هناك من دينهن و خلقهن و مبادئهن أقوى من كل غرائزهن و حاجاتهن و مغريات الدنيا و قسوة الحياة
و منهن من يعلمونني هنا الآن
في النهاية
رأيي صواب قد يحتمل الخطأ
و رأيي غيري خطأ قد يحتمل الصواب
و لكل قاعدة شواذ
--------------
بعد الرد ده مش هستغرب لو لاقيت الحساب بتاعي مقفول
و مكتوب تحت أسمي
مطروووود

bala 3esh2 المشاغب


حزمان باشا
الكيبورد بايظة ومش فاضى اجيب واحدة تانية
الحمد لله انه بايظ
و كفايه سؤال واحد عايز ايه أكتر من كده

فليا سؤال على الاد
اتفضل يا غالي
انا تحت أمرك

ماذا يمثل لك كل من
مش مستريحلك شكلك بتهدي النفوس
باشا
لأني الأخ الأكبر بين أخواتي فطول عمري محروم من كلمة أخويا الكبير و بجد لما عرفت احمد بقى هو بالنسبة لي أخويا الكبير
أحمد حد جميل جدا جدا
فرعون
فرعون بقى نفسه يطخني عيارين
بصراحه انا مقصر معاه جدا بيسأل عليا دايما و يبعتلي رسايل خاصة بس انا معنديش دم
مع اني و الله العظيم بحبه جدا و نفسي أقابله بس مكسوف منه
ان شاء الله لو هقابل الانترنتيين قريبا هتصل بيه و اتمنى يوافق يقابلنا
و لو رفض يبقى عنده حق
دودو
دودو بنت بلد جدعه تخدم أي حد من غير ما تنتظر مقابل
أحيانا بحس أنها بئر من الأحزان و ان نفسها تصرخ بس عاجبني صمودها و عطائها
ربنا يكرمها و يبدل أحزانها أفراح و سعاده
تقية
أمل و تفاؤل
متستغربش لو قولتلك ان هي اللي مصبراني على بلاوي الدنيا
نائح الطلح
محمد فراج و نعم الأخ و الصديق
العلم الجم و الأدب البليغ و الشاعر المرهف
بس لو يلتزم بمواعيده شويه
لافر مان
القلب الطيب و الدم الخفيف و الصوت العذب الجميل
شخص نادر الوجود فعلا
ابو دماغ عالية
من سوء حظي اني ما تعاملتش معاه بشكل مباشر الفترة اللي فاتت
و من حسن حظي اني هتعامل معاه بشكل مباشر الفترة اللي جايه
لكن من خلال مشاركات المدرسة هو حد انا بحترمة جدا جدا
بلا عشق
بلاعشق بقى ده اللي مدي للمدرسة طعم
بتعجبني صراحته جدا الخاليه من أي مجاملات
حسنى
ربنا يوفقه و ينجحه و يرجعهولنا بالسلامة
كتله نشاط متحركة لا تكل و لا تمل
و ان شاء الله بعناده و إصراره و نشاطه هيكون حاجه عظيمة نفتخر جميعا بها
زهرة الصبار
بص بقى عشان الكلام عن زهرة الصبار ليه جو تاني خالص
عارف لما تيجي تتكلم عن زمن حالم بطئ رومانسي بتقول ايه
ده كانت ايام جدتي و جدتك
زهرة الصبار بجد ما تبقى من زمن جدتي و جدتك
الهدوء و الحنان و الطيبة و الحكمة
-------------------
أحمد بلا عشق ده حد قلبة أبيض و اللي في قلبه على لسانه
مش بس كده لأ
كمان اللي في قلبه في توقيعة سهل جدا انك تعرف الموود بتاعه من توقيعه
ربنا يتمملك بخير يا أحمد

٢٢‏/٤‏/٢٠٠٧

تقيــــــــــــــه تاني

السلام عليكم
وعليكم السلام و رحمة الله و بركاته
الغالى حزمان
ربنا يعزك يا تقيه
عدت مرحلة الأسئلة الصعبة
.أمال دي مرحلة ايه ..... نقاهه ؟؟
مع إنك جاوبت بإختصار شديد مش بحبه
أصلك متعرفيش اللي حصل و أنا برد على دودو
و دودو كانت أسئلتها كتيره جدا جدا جدا
قعدت ييجي ساعتين و نص أكتب و بإستفاضة شديده جداو لما قربت على أخر الأسئلة واحد بعتلي لينك موضوع على الماسينجر دوست ع اللينك فتح في نفس صفحة الرد و لما عملت باك كان كل شيئ راح و انقضى و عيدت الاجابات من الأول
عندى ليك كام سؤال بقى منتهى السهولة
إتفضلي انا تحت أمرك
1:فى داخل كل واحد مننا أحلام كتير جايز يحققها وجايز لأ ده بإيد ربنا سبحانه وتعالى
ممكن نحس بإحباط لو خسرنا حلم وممكن نكمل عادى حياتنا ماهى الأحلام كتيروليه نشغل بالنا بحلم راح
حزمان..لو ضاع شئ من أحلامه إيه شعوره ونتيجة ده على حياته ايه؟هتحس إنك قصرت؟
ولا راضى بكل قناعة إنك حاولت بقدر إستطاعتك؟؟
بسم الله الرحمن الرحيم
الإجابة .. تونس
-----------------
الأحلام و الطموحات و الأهداف
تختلف و تتنوع على حسب أهميتها بالنسبه لي
ده بخلاف نوعية كل حلم يعني
فيه أحلام الواحد أصلا ندم أنه حلمها في يوم حلمت بالإرتباط بواحده .. و أكتشفت في الأخر انها متستحقش مني حتى نظرة إحتقار و في المقابل فيه أحلام تانيه تستحق ان الواحد يتحدى العالم كله في سبيل تحقيقها مثلا .. حلم تكوين
رابطة المدافعين عن اللغة العربية
و هتسمعوا عنها قريب جدا ان شاء الله
أما لو كان حلم يستحق فعلا و مقدرتش أحققه أنا عن نفسي بقول قدر الله و ما شاء فعل
و بالتأكيد تترك أثر سيئ في نفسي لحين إستبدال سبل تحقيق الهدف
أو تبني حلم أخر
2:شيفاك دايماً داخل برواز المدافع عن الحريات والوطنية شعار أساسى لحياتك
تفتكر ممكن يجى يوم وحزمان يعيشها بسلبية ويخلى المركب تمشى؟؟
ممكن .......يوم ما يموت حزمان
شيئ محزن جدا ... ان يكون إيماني بقضية ما و دفاعي عن كرامتي و وطنيتي شيئ غريب
رغم ان المفروض ان ده العادي المفروض ان الشعب كله يدافع عن حريته ووطنيته لكن ..... لأن الجميع أو - الأغلبيه عشان ما أظلمش حد - عايشينها بسلبية و سايبين المركب تمشي
فالناس شايفة ان أنا شاذ عن القاعده أصبحت مطالبتي بالحياة الكريمة مصدر فخر و تميز
3:عالمنا فى تطور لا يتوقف والنت بقى من ضروريات الحياة إن كان فى العمل أو الثقافة و الترفيه
لقد حول الإنترنت الكرة الأرضيه بعظيم حجمها إلي قرية صغيرة جدا
فبضغطة زر تنتقلين من بيتك في أكتوبر إلي جزر الكاريبي أو شواطئ هاواي
بضغطة زر تحدثين من مكانك معارفك في أخر بلاد العالم
بضغطة ذر تعقدين صفقات بمليارات الدولارات مع مؤسسات عالمية
بضغطة زر تستطيعين أن تتابعي أخبار العالم كلة سواء سياسية أو إقتصادية أو فنية
أو ........... أو .......... أو .........و طبعا لو تكلمنا عن الإنترنت بإستفاضة
لن تكفينا مجلدات
الكلام اللي أنا قلته ده كله ملوش علاقة بالمصريين
ده بالنسبة للعالم كله ما عدا المصريين
بكل صراحة إيه رأى حزمان فى علاقات النت؟؟
أحيانا ناجحة جدا خصوصا بين الرجال و بعضهم
فأنا من خلال النت إتعرفت على رجال فعلا وددت لو عرفتهم من زمان
الأمير الشهابي - بلكاوي - شمعة
حصل لي عظيم الشرف بمقابلتهم يوم الجمعة المنصرمة
وما نظرتك لبناتنا وتعاملهم مع النت؟؟
هههههههههههههههه
هو السؤال ده إجباري ؟؟؟؟؟؟
أنا مش هجاوب عليه دلوقتي
لما تجاوبيني و تقوليلي ان السؤال ده إجباري هجاوبك
و هجاوب بكل صراحة
و خللي بالك إجابتي مش هتكون إجتهادية
دي هتكون إجابات مبنيه على تجارب شخصية و خبرة أد 8 سنين ع النت
و تجارب أخرى غير شخصية
المهم قبل ما تجاوبي على سؤالي
تأكدي أن إجابتي هتخلي كل بنات النت تكرهني
هل علاقات الصداقة المنتشرة حالياً بين الشباب والبنات والسهر للصبح فى المحادثات
عبر الشبكة ظاهرة صحية وتقدم ولا لك رأى تانى؟؟
أنظر الإجابة السابقة يتضح لك إجابة ذلك السؤال
4:هل يوجد حاكم ممكن يحقق العدالة بحكمه فى عصرنا؟؟طيب إزاى ؟
لو حاكم ديكتاتور يحب مصرهيحقق المعادلة
الشعب المصري بطبيعته شعب متمرد
(( ملقوش في الورد عيب قالوا أحمر الخدين ))
و ده اللي يحكمة لازم يكون ديكتاتور قوي و عشان يحقق العدالة لازم يكون بيحب مصر
و يكون داق طعم الظلم و القهر و الإستعباد
و يكون واعي لعظمة دعوة المظلوم
و يكون بيتقي الله في العموم
لو وجدتي الصفات دي في شخص
هيقدر يحقق العدالة في عصرنا بل و في أي عصرمهما كانت المغريات و مهما بلغت عظمة الفتن
5:حزمان بيفكر فى المستقبل؟؟؟ يعنى تكوين عائلة ومسئولية وولاد يكملوا المشوار؟وإيه مواصفات شريكة المستقبل ..من ناحية الشكل والمضمون(واخد بالك)؟؟
واخد بالي
تكوين عائلة و زوجه و أولاد ليس هو المستقبل
بل هو الإستقرارو حزمان يبحث عن الإستقرار
بصي يا تقيه ياللي هتوديني في داهيه
عارفة أمينة ؟؟
أوعي تقولي أمينة مين .....أنا عايز أتجوز أمينة
و على فكرة .......أنا مش سي السيد
بس عايز أتجوز أمينه
6:أيام حرب إيران والعراق ومن شدة ألمى كنت بحلم يكون عندى طيارة واروح أقف بين البلدين
وأحل المشكلة ....(أحلام غريبة) حزمان تخيل نفسه فى موقع ممكن يحل مشكلة فى أمتنا .. مشكلة فلسطين مثلاً
طيب ايه تصورك للحل الممكن لمشكلة الجرح الكبير ده فى وطننا؟؟
لا حل دون التدخل العسكري
الرسول عليه الصلاة و السلام أعد الجيش و أمر بالتحرك لغزوة مؤته و كان السبب أن واحد يهودي كشف عن ساق إمرأة مسلمة في السوق
مقالش معاهدات و لا صلح و لا مفاوضات
أمر بالتدخل العسكري فورا
---------------
طبعا الإنهزاميين هيعارضوا الكلام ده
و هيقولولك الوضع إتغير و الأسلحة و أمريكا و .... و .... بالنسبة لي كل ده تحت جزمتي (( أسف ))لأن ....عندنا
الإيمان بالله و الثقة في نصر الله
عندنا خير أجناد الأرض
عندنا السلاح اللازم للحرب
أسباب إقتصادية و سياسية تمنع أمريكا من دخول مصرو إلا كانت دخلتها في 73
و أخيرا .... موتانا شهداء في الجنة و موتاهم كفرة في النار
عايزين ايه أكتر من كده
فيه نقطة كمان من عايز أغفلهامصر هي قائده العالم العربي و لو فيه حاكم ذكي هيقدر يلم شمل العرب
و يوحد كلمتهم
7:أنا متأكدة إن لو قامت حرب أول المتطوعيين هيكون حزمان
ممكن تحارب لمجرد ثورة على ظلم ولا لازم يكون فى بالك حرب محسوبة بمكاسب وخسائر؟؟
الحرب ما فيهاش مكسب و خسارة
فيها نصر أو شهادة
و الأتنين مكسب
أدعي يا تقية أن الحرب تقوم
و أن يتقبلني الله من الشهداء
أمانه تدعيلي بالدعوة دي في صلاتك
9:وده إجبارى أكتب سطرين مع مراعاة الصراحة الكاملة ما عيوب (تقية)....؟؟؟؟؟؟؟؟؟؟؟؟؟؟
السؤال ده صعب جداطيب أسألي على مميزاتها و أنا أكتب صفحات مش سطرين
هحاول أجاوب
عيوب تقية من عيني أنا
متفائلة زياده عن اللزوم
حساسة زياده عن اللزوم
لا تقبل إصباغ حلمها إلا باللون الوردي - رغم أني لا أرى فيه إلا ظلمة الواقع
و تعارض كل من يحاول تسليط الضوء على ذلك الحلم حتى لا تراه على حقيقته
تقيه خوافه بشكل ملحوظ تفضل الإنسحاب دائما و تهاب المواجهة
تقيه ..... رغم أن كل اللي ذكرته ده مكتوب تحت عنوان (( عيوب )) إلا أنني أعشقة في النساء
و أتمنى أن أتزوج بإنسانه فيها كل تلك العيوب
بس كفاية كده الرحمة مطلوبة برضه
أستمتعت جدا بأسئلتك
رغم الضرب تحت الحزام
بس بجد لأنها منك
إستمتعت بكل حرف كتبته فيها
تقية
تحياتي