24‏/2‏/2007

الكاميرا المخفية


اعزائي المتابعين

حلقتنا النهارده حلقة مختلفة
جديدة
هادفـــة
دمها خفيف
يارب تعجبكم كلكم


موعدنا دلوقتي مع برنامج

( الكاميرا المخفية )
------------

بس خللوا بالكم الكاميرا المخفية السنة دي مش زيي كل سنة
الكاميرا الخفية السنة دي بمنظور جديد
منظوري انا

و تعالوا معايا نبص بس


ـــــــــــــــــــــــ المشهد الأول ــــــــــــــــــــــــ

طلعلي عفريت

و انا بخاف جدا من العفاريت
و الجري نص الجدعنة



ليس هذا وقتا مناسبا
لظهور ذلك المسخ
ذا الثمانية أرجل و الوجهان
فهرقل يقضي شهر العسل مع زينا في الساحل الشمالي
ولا يوجد من يدافع عن المدينة
الا أذا كنتم تريدونني أن أحاربة بنفسي
بتلك القصافة التي أهندم بها أظافري
عفوا .. سأخيب أملكم و أفر من هنا
فأنا ما زلت أريد التمتع بالحياة



واحد دلوع اتجوز واحدة دلوعه جابوا ولد

سموه: يااااااي




ـــــــــــــــــــــــ المشهد الثاني ــــــــــــــــــــــــ

عارف لما تكدب الكدبة و تصدقها
و تعيش فيها و ...



لن أذهب للصحراء
فحتى الصحراء ليس بها راحة
إذن سأستقل دراجتي رباعية الدفع
سأقترب من هؤلاء السذج
لعلي أجد عندهم شيئ
ماذا .....
ماذا يقولون .......
ماذا يقول أهل مالي ؟
محمد ........
كيف ..............
الرسول محمد صلى الله عليه وسلم زار مدينتهم
متى ؟ !!!!!!!
وصلى بمسجدها !!!!!!
وعرّج على ضفاف بحيرة (فاغبين)
وصلى ركعتين
تاركاً خلفه اَثار قدميه الكريمتين وركبتية
وجبهته الجليلة منقوشة على سفح الصخرة التي صلى عليها.
ولاتزال اَنية الوضوء محفوظة
وقد تحول المكان إلى مزار

يقولك اتصلوا بواحد قالوا ياعلي امك وابوك وعيالك و مراتك ماتوا .. صاحبنا قال العيشة كده مالهاش لزمة
راح طلع الدور الـ 30 ورمى نفسه لما وصل للدور العشربن قالاصلا امي وابويا ماتو من زمان
لما وصل عند الدور الثامن قال اصلا انا مش متزوج ولا عندي عيال
لما وصل الارض قال اصلا اسمي مش علي !



ـــــــــــــــــــــــ المشهد الثالث ــــــــــــــــــــــــ


التليفزيون بتاعنا بقى ماشاء الله علية

و السينما و الاذاعة الصراحة يشكروا جدا



إن ذلك التنين الذي يسكن تلك الجزيرة
يخرج من مخبأة على سكان المدينة
فيرعبهم ويدخل الهلع في نفوسهم
وفي اللحظات التي يهاجم فيها المدينة
يقتل ويأكل من يأكله من البشر
ويتشرد الباقون في طول البلاد وعرضها
ولما طالت الحكاية
وكان السكان يرغبون في الاستقرار والأمان
اتفقوا على أن يقدموا للتنين كل عام فتاة جميلة
يختارونها بالقرعة
تكون فداء عن أهل المدينة
حاجة كده على اد ما قسم
لازم يعملوا معاه الواجب

في ساحة البرج
أربعة من الصبية يحملون الفتاة
و أية فتاه
انها أجمل فتاة في المدينة
أنها ابنة السلطان
لقد أختاروها بالقرعة
و لابد ان يقدمونها للتنين ليفتدوا بها المدينة
أما عن ابنة السلطان فهي كانت سعيده جدا
ظنت ان التنين عندما سيراها سيقع في غرامها
و لكنها نسيت ان هذا تنينا
و ليس كينج كونج
و بالفعل عندما رأها التنين إلتهمها و إلتهم الصبية


محشش ماسك فرخة و نازل فيها ضرب بيقولها

يا بنت الكلب كل يوم بيض بيض مفيش جبنة




ـــــــــــــــــــــــ المشهد الرابع ــــــــــــــــــــــــ

قالك زمان الكترة تغلب الشجاعة

بس مع التطور الطبيعي للحاجه الساقعة

كان لازم المثل ده يتغير




مع جيوشه الثلاثة الحمر
يبتعد عن قواعده في الجنوب
ليلاحق الأعداء و يغير عليهم
اضطروا إلى عبور جبال شاهقة
وأنهار هادرة
وسهول شاسعة
حيث ظل القائد يوجه المسيرة من نصر إلى نصر
وبعد أن قطعت عشرة آلاف ميل
خلال عامين من الجلد والمثابرة والشجاعة والأمل
في مواجهة عقبات كئود وظروف مستحيلة
نجحت الجيوش الحمراء في الوصول إلى شمال غرب البلاد
ولم يتبق من أصل مائتي ألف جندي إلا خمسة
وعلى الرغم من الإنهاك والإجهاد إلا أنهم ظلوا يتحلون بالجرأة والتحدي
بفضل قائدهم
فهو رجل بألف رجل
يستطيع وحدة الأنتصار على عشرة ألاف مقاتل
و يحارب فوق اشلائهم
بالطبع فهو بطل صيني


واحد كسلان جدا كان عندة إمتحان
بعد ما دخل اللجنة القلم وقع منه على الأرض
راح مسلم الورقة




ـــــــــــــــــــــــ المشهد الخامس ــــــــــــــــــــــــ


هنصور المشهد ده داخل المقبرة

مقبرة الاله

بعد ما مات الاله .....

طبعا ده كلامهم انا مليش دعوة

هليوبوليس بسبب الظلال القوية
للعقيدة الشمسية علي النصوص
تعكس المقدمات لمقرطة العالم الآخر بالمزاوجة
بين العقيدة الشمسية والعقيدة الأوزيرية
ما علينا
كتبت الكلمات خالية من المخصصات
التي تبلور المعني المقصود
وبترت العلامات التي تشير إلي البشر
و رسمت بعض الحيوانات لابعاد
أي خطر عن القرابين المقدمة لروح الملك
ولنا أن نتخيل المكان المعبق بالبخور
وفي الوسط ترقد جثة الملك
وحوله تجتمع الكهنة يتقدمهم كاهن التطهير
والمرتل
ويتوزع في المكان زخم من موائد القرابين
حافلة باللحم والطيور والخضراوات الطازجة
و بالطبع لا تخلوا جنازة الملك من
النبيذ والبيرة
ولا نسمع من الأصوات إلا
التعاويز و الإبتهال للألهة في العالم الأخر
ثم
مرة استاذ قال لطلابه : يعيش القرد في جنوب اسيا
رد الطلاب : يعيش يعيش يعيش



ـــــــــــــــــــــــ المشهد السادس ــــــــــــــــــــــــ

جوازة صالونات

جوازة أنتريهات أهي جوازة و السلام



جاء الأمير الجريء يمتطي حصاناً أبيض
دخل القصر المسحور
الحراس في أماكنهم والوصيفات هنا وهناك
لكنهم جميعاً نيام في وضع الوقوف
صعد السلم
وجد الخدم يشيرون إلى إحدى الحجرات
وإذا بالخدم أيضاً نيام
دخل الحجرة فإذا به أمام هالة من النور
تحيط بوجه فتاة جميلة نائمة منذ مئات السنين
أزاح الستار الرقيق عن فراشها
اقترب منها
طبع قبلة على وجهها استيقظت الأميرة الجميلة
استيقظت على ذلك الوجه الذي وعدتها به الساحرة الطيبة
وجه أمير وسيم طيب يستطيع أن يرفع السحر عنها
ويوقظها من نومها العميق
استيقظت في عمر السادسة عشر
وانطلقت مع الأمير إلى حياة سعيدة في قصره
في النصف الآخر من الكرة الأرضية
انطلقت بعد أن عادت الحياة
إلى كل سكان القصر المسحور النائم
ومن يومها تغلق "كل" فتاة في عمر السادسة عشرة ، عينيها عند المساء لتحلم بذلك الأمير

قرد ودانه مقطوعه واقف أدام المراية يقول سبحان الله الحلو ميكملش



ـــــــــــــــــــــــ المشهد السابع ــــــــــــــــــــــــ

انا أركب دقن

و أروح لأبوكي




هذا الرجل لديه القدرة على اتخاذ شكل ذئب
يتحول هذا الرجل إلى ذئب ليلاً
لينقض على من يوقعه سوء حظه في طريقه
ويلتهم لحمه
هذا الرجل الذئب يتحول إلى بشر مرة أخرى
عند طلوعالفجر
قيقوم بتربية لحيتة
و يصعد على المنابر
و يخطب في المساجد
و يستضيفونة على شاشات التليفزيون
ليفتي في الناس
حتى إذا ما يجئ الليل فيرتدي لباس الذئب
و يبحث عن فريسة جديدة

في حصة الإملاء قال المدرس لتلاميذة أكتبوا الجملة الأتية :
ذهب محمد الى مصيف يوم الاربعاء

ساله احد الطلاب يا استاذ الهمزة على السطر ولا على الالف سكت المدرس شوية وبعدين رد عليه قاله خلاص يا ابني خليها الخميس




ـــــــــــــــــــــــ المشهد الثامن ــــــــــــــــــــــــ

حسنة قليلة تمنع بلاوي كتيرة

و هنيالك يا فاعل الخير و الثواب

و اللي عند الله مبيروحش




أن أفيليانا ظهرت منذ زمن بعيد حيث
توجد البحيرتان و قد كانت ضاحية جميلة
غنية و مزهرة
لكن سكانها كانوا معروفينبشرهم
لا يحترمون حقوق غيرهم
و يهملون واجباتهم تجاه الله ولا يرأفون بالفقراء
وضعفاء الحال لذلك فقد أراد الله أن يختبرهم
بأن يرسل لهم ملاكا في صورة متسول يدق كلالأبواب
و يطلب حسنة الا أن سوء معاملتهم و طردهم له
جاء ليعزز شرورهم و أنانيتهم
وحدها عجوز فقيرة تسكن كوخا عطفت عليه و منحته آخر قطعة خبز تملكها
في تلك الليلة قرر الله
معاقبتهم على سوء أفعالهم بأنغمر المدينة بالمياه
و أغرق جميع أهلها و عند الفجر لم يبقى لها أثر
و تشكلت فيمكانها بحيرتان عميقتان جميلتان
تفصلهما قطعة من الأرض حيث يوجد منزل العجوز الطيبة
التي كانت الناجية الوحيدة من العقاب الإلاهي

الاستاذ : مين يعرف اسم حيوان بيطير ؟
الطالب : الفيل يا استاذ
الاستاذ : غلط يا ابنى اية الغباء دة انت ابوك بيشتغل اية ؟
الطالب : فى أمن الدولة
الاستاذ : واللة يا ابنى الفيل ممكن يطير بس لو خس شوية



ـــــــــــــــــــــــ المشهد التاسع ــــــــــــــــــــــــ

روح الفريق ممكن تهزم اي حاجه

أي حاجه ...

و بقول أهوه أي حاجه


هذا الفتى مولع بكرة القدم
أنتقل الفتىالى طوكيو
و من هناك بدأت التحديات لهذا الفتى
وتلك هي بداية أنطلاقة في ملاعب الكرة
يسافر الكابتن ماجدمع زملائة الي اوروبا
ليخوضوا المعارك هناك
و ينتصر هو ورفاقة في جميعها
ثم ينتقل مع رفاقة إلي البرازيل
ليشعل الملاعب هناك
و يعود إلي بلادة رافعا رايات النصر
ثم يغزو أمريكا
و يكر و يفر و يهاجم و يدافع
حتى يرفع الكأس ليعلن للعالم إنتصارة
و ينتقل الكابتن ماجد من أمريكا إلي أسيا
ليتحدى جميع الفرق هناك
و ينتصر عليهم
و لكنه عندما أعلن تحديه لإسرائيل هزم من أول جولة
أتعلمون لماذا ؟
لأن ياسين المساعد الأول لماجد كان عميلا إسرائيليا


فيلم هندي جديد : اثنين يلاقوا بنت صغيره على باب الجامع .. ياخدوها يربوها
بعد ماتكبر تطلع امهم !!!!!!!!


ـــــــــــــــــــــــ المشهد العاشر ــــــــــــــــــــــــ

سر الخلود اللي خرج أدم من الجنة

و أساطير الأولين

و حكايات الخالدين



أهتدى الملك المبروك
عن طريق جده الأكبر
الى سر الخلود
الذي يكمن في نبات سحري ينبت في قاع البحر
وكان على الملك المبروك
الوصول الى ذلك العشب السحري العجيب
ليأكل منه كي يسترجع شبابه الذي ولى
كما أراد أن يعطي لأبنة من ذلك العشب
حتى ينعم هو الأخر بالخلود
و لا مانع لدية إذا ما حصل على العشب
و تناولة هو و أبنة
ان يوزع الباقي على الشعب
حتى يفوز بالخلود
مادام لن يتنازل ابدا عن الملك


واحد لقى مصباح علاء الدين
دعكة و طلعلة العفريت و قاله شبيك لبيك طلباتك ايه
قاله عايزك تبنيلي كوبري من مصر لأمريكا
العفريت قاله صعب أوي الطلب ده شوف حاجه سهلة
قاله مبارك يسيب الحكم

رد العفريت و قاله و انت عايز الكوبري رايح بس و للا رايح جاي



ـــــــــــــــــــــــ المشهد الحداشر ــــــــــــــــــــــــ


يقولون ان الشيطان

أستاذ الرجل و تلميذ المرأة



في مدينة العمالقة
أراد عملاقا ان يخطب ود جارة العملاق
فأرسل إليه هدية لينظر بما يرجع المرسلون
لكن العملاق الجار ظن أن هذا مظهر ضعف واستكانة
فتكبر وهدد
فانبرى له الآخر مهددا متوعدا
وحمل هراوته وانطلق إلى أرض العملاق المنافس
فلما وصل والأرض ترتج من تحت أقدامه
دخل الرعب إلى قلب العملاق الأول
فهدأته زوجته قائلة: لا بأس عليك؟
قال وكيف؟
قالت ليس عليك سوى الاستلقاء في سريرك واترك الباقي لي.
ثم إن الزوجة الحكيمة غطته بدثار ثقيل
ثم أخرجت قدميه من تحت اللحاف.
فلما وصل العملاق الغاضب أوحت إليه أن اسكت
فإن الغلام نائم؟
فنظر العملاق الأول إلى القدمين الهائلتين
البارزتين من تحت اللحاف
وقال أهذا النائم هو ابن العملاق؟
قالت: نعم فأرجو أن لا توقظه؟
فدخل الرعب إلى العملاق الواقف أكثر من المستلقي.
ثم أطلق ساقيه للريح
وقال: إن كان هذا هو الغلام فكيف يكون حجم الأب
فلأنجو بنفسي.....


واحد بلديتنا قاعد فى مؤتمر دولى ،، فواحد فرنساوى قام و قال " احنا حفرنا تحت برجإيفل و لقينا اسلاك تليفونات و دة دليل على ان التليفونات عندنا من 100 سنة " . فقام واحد ايطالى و قال " احنا بقى حفرنا تحت برج بيزا و لقينا اسلاك تليفونات و دة دليل ان التليفونات عندنا من 500 سنة " . فقام بلديتنا و قال " احنا بقى حفرنا تحتالاهرامات و ملقيناش حاجة خالص

و دة دليل ان من 5000 سنة كان عندنا المحمول



ـــــــــــــــــــــــ المشهد الأتناشر ــــــــــــــــــــــــ

لية التوت لونه أحمر

سؤال يطرح نفسة



كانا يحبان بعضهما البعض بشغف ووله
إلا أن والديهما حالا دون إتمام الزواج
فكانا يتبادلان حديثهما بالإيماءاتوالإشارات
وما اكثر ما كانا يتهمسان من خلف الجدار بالوله والشوق
وفيالنهاية تواعدا على اللقاء
والاختباء تحت شجرة التوت المزهرة
ذات الأوراق الكثيفةوالثمار البيضاء التي تجاور النهر
لكنها وصلت أولا فرأت أسدا جاء ليشرب من النبع
وفمه يقطر بدم الثيران التي افترسها
فهربت إلى كهف مظلم وانزلقنقابها وهي تجري
وعندما وصل حبيبها رأى آثار أقدام الأسد
والنقاب مخضبا بالدم
فامسك بالنقاب وهو يبكي
و تحت شجرة التوت قتل نفسه
وعندما خرجت حبيبتهمن كهفها
ووصلت إلى الشجرة
وجدت حبيبها مسجى على الأرض المخضبة بالدماء
فارتمت فوقة وانتزعت الخنجر
من صدره لتغرزه في صدرها وهي تنشج بوجع
ولذا غدت شجرة التوتتنبت ثمار تتلون عند نضجها باللون الأرجواني القاني

واحد غبي سافر بالطيارة ومعه قرد قالت المضيفة الحيوان معك ؟
هز القرد راسه
و بكدة نكون وصلنا لنهاية الحلقة
تابعوناااا يمكن يكون فيه حلقة جااية

الهرم المعجزة




الهرم المعجزة – 5000 سنة عمر و 2.600.000 قطعة حجر متماسكة جميعها بدون اسمنت .
وزن الحجر الواحد يتراوح ما بين 2.5 طن الي 15 طن .
سقف غرفة الملك لوحدة ( قطعة الحجر الواحده من الجرانيت ) وزنها 70 طن يعني تقريبا نفس وزن قاطرة سكة حديد .
ارتفاع الهرم 149.4 م يعني ناطحة سحاب 48 دور
- طب ازاي الحجر ده اترفع الارتفاعات الشاهقة دي ؟
زمان في المدارس الابتدائي بيعلمونا في الكتب بتاعتهم ان الفراعنة بنوا حاجة زيي الساتر الترابي كدة حوالين الهرم ( زيي مسطبة ترابية ) من الطوب الني و بعدين جروا عليها الاحجار دية فوق بكر من الخشب .
- حاجة تضحك ..............
- دة طبعا كلام فارغ ............
ازاي تجر قطعة جرانيت واحدة وزنها 70 طن على بكر من الخشب و على اية على طوب ني على ساتر ترابي طب ازاي ؟
محال طبعا ........
لو فرضا ان ده اللي حصل يبقى كان المفروض يعملوا تبة خرسانية و يجيبوا جرارات بعجلات صلب عشان تشيل 70 طن
انما تقولي ساتر ترابي و كلام من دة
و كام واحد يجر بقي 100.000 عامل عشان يجر الوزن دة هيقفوا فين على الساتر الترابي دول و بعدين ازاي يحملوا على بكر خشب دة يتغرز في التراب .
طبعا مش ممكن
ف دي في الواقع سزاجات ...............
طب ازاي بنوا الهرم ؟
قي الحقيقة عجز علماء العالم كلة عن تفسير كيفية بناء الهرم .
يعني مفيش اطلاقا تفسير لبناء الهرم إلا ان
العلماء في هذا العصر كان عندهم وسيلة سريه و علم خاص بيلغوا بيه الجاذبية الأرضية يعني يعملوا اللي بيطلقوا علية دلوقتي ( anti gravitation ) منطقة ضد الجاذبية أو معدومة الجاذبية و دة اللي امريكا و روسيا دلوقتي بيحاولوا يعملوه .

و بعدين مسألة إعجاز الهرم لم تقف عند هذا الحد
فهندسة الممرات داخل الهرم و الغرف و الممرات دي كلها الغاز
صقل الجرانيت داخل الهرم – يعني هنلاقي الجرانيت اللي جوة في الهرم مصقول زيي المرايا طب صقلوة ازاي ؟
مفيش اجابة – نقف محتارين و منلاقيش تفسير .

و بعدين الحسابات العجيبة بقى لما نيجي نقيس الهرم نلاقي ان المحيط بتاع الهرم مقسوما على ارتفاع الهرم = 3.14 اللي هي ( ط ) او النسبة التقريبية ( العلاقة الثابتة بين محيط الدائرة و قطرها )
العجيب انك لما تخش غرفة الملك هتلاقي ان المحيط مقسوما على ارتفاع الغرفة = 3.14
تابوت الملك محيطة مقسوما على ارتفاعة = 3.14
و كل غرف الهرم بالشكل ده تبقى مش مصادفة .
طب و لية عملوا كده ؟
ده سر كمان .
- ارتفاع الهرم 149.4 م و المسافة بين الأرض و الشمس 149.4 مليون كم
هل دي صدفة ؟
مكان الهرم ان هو في النص بالظبط بالنسبة للقارات الخمس .
وجوة الهرم أربعة وجوة متجة الي الجهات الأساسية الشرق و الجنوب و الغرب و الشمال و مش أي شمال ده بالذات الشمال المغناطيسي .
و طبعا احنا عارفين ان فية فرق بين الشمال الجغرافي و الشمال المغناطيسي 4 درجات .
ممر الدخول للهرم يشير الي النجم القطبي و الدهليز الداخلي يشير الي نجم الشعلة اليمنية كما لو كان الهرم دة مرصد .
و السؤال هنا اية حقيقة الهرم ؟
قالولنا زمان في المدارس ان الهرم ده مدفن خوفو .
بقى ده معقول
كل الهلمة دي عشان يدفن خوفو
طب و ايه سر الممرات اللي جوة و ان فية اكتر من غرفة و فية غرفة تانية للملكة تحت الأرض
و الهندسة الغريبة دي و الكتلة المعمارية الهائلة دي و الممر اللي بيشاور ع النجم القطبي و الدهليز اللي بيشاور ع الشعلة اليمنية كل ده عشان يدفن خوفو .

مين اللي بنى الهرم ؟
مش عارفين مين بناه – مختلفين فيها برضة

أصبح فية اكتر من نظرية في حكاية الهرم
ناس تقول ده مرصد فلكي
و ناس يقولوا ده بيت للأسرار
و ناس بتقول ده صحيفة تنبؤات
أخر حاجة طلع بيها 2 من العلماء انجليزي و اسمة جريفز و واحد فرنسي و اسمة جارنييه : عملوا تخطيط دقيق لكل الممرات اللي جوة الهرم و أعتبروا ان البوصة الهرمية الواحدة ترمز للسنة فوصلوا الي نتيجة غريبة جدا :
ان هذة الممرات عبارة عن رسم بياني يترجم احداث العالم كلة لغاية يوم القيامة ووجدوا ان القيامة هتقوم سنة 2815 حسب رموز السراديب اللي داخل الهرم .
طبعا الكلام ده هيس .

نرجع لموضوع مين اللي بنى الهرم ؟
هما بينسبوا بناء الهرم لخوفو
لمجرد انهم شافوا خرطوش فرعوني مكتوب علية ( خيرم خوفو )
لكن ( خيرم خوفو ) معناها بالهيروغليفية ( الله جل جلالة )
الله ! معنى الكلام ده ان الحكاية تبقى شئ مختلف تماما خاصة ان ( خيرم خوفو ) مش معروف بالنسبة لملوك الاسرات و مالوش لا سيرة و لا تاريخ .
- في الاحصائية بتاعت العالم ( بروكش ) قال ان عدد الالهة عند قدماء المصريين كان 2800 اله و حضارتهم بدأت من 7000 سنة و ان هي كانت حضارة وثنية تعددية .

مع ان المؤرخ ( ماري توون ) وهو أوثق المؤرخين عن التاريخ الفرعوني بيقول : ان الحضارة المصرية بدأت من 12.500 سنة .
و بعدين فية أدلة قاطعة على ان الحضارة دي حضارة توحيدية مش حضارة وثنية .
صحيح احنا بنشوف في التاريخ و الهيروغليفيات و البرديات حكاية الـ 2800 اله لكن لما نقرأ كتاب الموتى نستعجب !!!
هنلاقي ان الفراعنة بيخاطبوا الله قائلين ( أنت الأول و ليس قبلك شيئ و أنت الأخر و ليس بعدك شيئ )
الكلام ده في كتاب الموتى أقدم كتاب فرعوني .
و في نفس الكتاب نجد الله يقول ( خلقت كل شيئ وحدي فلم يكن بجواري أحد )
الكلام صريح !!
طب ايه حكاية الـ 2800 اله دول ؟
- هما قالو 2800 اله لأنهم وجدوا كلمة ( 2800 نيتر ) مع ان كلمة نيتر في الهيروغليفية معناها التفصيلي و الحرفي : اليد القوية !!!
أي انها صفة
و يبقى الكلام معناه ان الـ2800 دول 2800 صفة من صفات الاله الواحد .

يبقى اذا المسألة دخلها تحريف الكهنوت و القوى السياسية الموجودة و الحكام نفسهم .
- فمن مصلحة الكهنوت ان يكون في 2800 اله كل اله له مسجد و كل اله له قرابين
- و من مصلحة الحاكم ان يكون فية 2800 حزب بيخبطوا في بعض عشان هو تسلم لة الأمور و يفضل قاعد على كرسية
و تكون النتيجة ان التاريخ الفرعوني كلة مزيف واللي وصلنا من هذا التاريخ محرف تماما لأن اللي كتبة الأقوياء سواء كانوا الكهنوت او الحكام

من الادلة انها كانت حضارة توحيدية ( اخناتون )
هل اخناتون طلع من فراغ ؟ مش ممكن
اخناتون طلع من تراث موجود فعلا بس هو اللي قدر يعبر عنة
ف اللي حصل ان القصر و الكهنة كانوا في ناحية و الشعب كان في ناحية تانية
بدليل كلام القرآن نفسه :
( وقال رجل مؤمن من آل فرعون يكتم ايمانه أتقتلون رجلا ان يقول ربي الله وقد جائكم بالبينات من ربكم )
المعنى صريح وواضح و هو ان المصريين نفسهم كانوا موحدين و مؤمنين بس بيكتموا ايمانهم خوفا من الكهنة و الحكام .
كمان اللي حصل في هجرة بني اسرائيل الشعب المصري اعطى بني اسرائيل كل الذهب اللي عنده وده يدل فعلا ان الشعب المصري كان شعب مؤمن بموسى علية السلام
غير اننا لما نيجي نشوف الاله دوول نلاقي أساميهم تستوقف النظر : يعني مثلاً ( أتوم ) ( أوزوريس ) ( نووه ) ما دول ( أدم ) و ( أدريس ) و ( نوح )
خاصة ان الاله ( أتوم ) تعريفة في الفرعونيات : أول من نزل على الأرض – و طبعا اول من نزل على الأرض كان أدم .
كذلك ( اوزوريس ) وصفوه في الفرعونيات : اول من علم الناس الكتابة بالقلم و لبس المخيط و تقسيم الفصول و التقويم الشمسي و النجوم و الفلك – وكل الحاجات دي تنسب للنبي ادريس علية السلام و معروف ان النبي ادريس كان في مصر .
و ( نووه ) كمان تعريفه في الفرعونيات : اله الماء و الفيضان و منقذ البشرية – و طبعا الكرم ده عن النبي نوح علية السلام هو منقذ البشريه من الطوفان .
و تفسير ده انه كعاده الجماعة في التاريخ القديم انه لما واحد عظيم يموت يحولوة لأسطورة ثم يحولوه لاله .



و في الواقع ان التاريخ المصري يلزم إعادة كتابتة و يجب ان يتعرض لة كتاب كبار و يحللوه بالظبط عشان نقدر نوصل للحقيقة .

الطريف انه في لغز بناء الهرم
قالوا ان اللي بناه هم العلماء الناجون من قارة الاطلنتس
وقالوا ان اللي بنوا الهرم هم الذين هبطوا من السماء
يعنى في النهاية مش مصدقين ان اجدادنا المصريين هما اللي بنوا الهرم

و طبعا عندهم حق ميصدقوش
الفرق بين الجد و الحفيد فرق كبير جداا جداا

صحوة الموت ما أرى .. أم غفوة الحياة

صحوة الموت ما أري
أم غفوة الحياة ؟

نرقص سويا
على ضوء الشموع
في قصر كبير جدا
البهو الذي نرقص فيه واسع جدا جدا
و الحرس و الخدم واقفين بالزي الرسمي
على باب القصر
امد يدي اليكي بالطريقة الارستقراطية
تقفين و في وجهك حمرة الخجل
ارفع يدك بأحدى يدايا
و أضع الأخرى حول خصرك
تلك الموسيقى التي نسمعها أسكرتني
و نظرة عينيكي
انتقلت بي من هذا العالم إلي حيث
مالا عيناً رأت و لا أذن سمعت و لا خطر ببال بشر
نعم انتقلت بي من الأرض إلي جنة
جنة لا يعلم مكانها إلا أنا و أنت
فقط
فلتدعي خطواتنا تتمايل بنا
و نظرات أعيننا تتحدث


مالي ارى دموعا في عينيك ؟
اتسائل بعيوني دون ان انطق
فترد عليا عيناك :
اخاف فراقك
فترد عيني :
لن احتمل غيابك عني
تدمع عينيكي اكثر
و تدمع عيني
تضعين رأسك على صدري
و نتابع الرقص


نشعر بالضوء ينير المكان بطريقة متتابعه
فيبدا الضوء خافتا
و يسطع
ثم يسطع أكثر
حتى يصبح شمساً


نفتح أعيننا
فإذا بنا وسط زهور و رياحين
الخضرة تملأ المكان
الأشجار عالية
الورود بألوانها
تنفث علينا من أريجها
الطيور تغرد
كانها تغني لتراقصنا
و الهدهد يسألني
أتحبها ؟
اجيبه بعينا :
أعشقها
و حمامة بيضاء تسألك أتحبينه ؟
فتجيبين بعينك :
أعشقة
ثم نغمض عينينا و نتابع الرقص


يقل الضوء
ويقل
ثم يقل أكثر
حتى تصبح الشمس قمرا
نفتح اعيننا فإذا بنا
فوق قمة التل
لا شيئ يحول بيننا و بين القمر
لا شيئ في المكان سوانا
نرقص
و نبكي
تنظرين الي عينيا
انظر الي عينيكي
تتسائلين بهما في دفء
أين النهاية ؟
و أجيب في حنان :
بين أحضاني
نغمض أعيننا
تضعين رأسك على صدري
اقبل رأسك
نتابع البكاء
و نتابع الرقص
نتابع الرقص حتى يغيب القمر
فإذا غاب


أشرقت شمس الحقيقة
فأنت ترقصين من أمام شاشة كمبيوتر
و انا ادمع من أمام شاشة كمبيوتر
لا اقولها بعيني
اقولها بأصبعي
أحبك
أحبك
أحبك


أحبك رغم الحقيقة المؤلمة
و تحبينني رغم الحقيقة المؤلمة


ولكن هل يجب أن نفترق ؟
هل يجب أن نفترق ؟

19‏/2‏/2007

بسام نور الدين

بسام نور الدين
ولد في الكويت حيث بدأ دراسة الموسيقى في الخامسة من عمره و درس العزف على ألة البيانو . بدأ في سن الرابعة عشر العزف على ألة الجيتار الكلاسيكي . تخرج في كلية التربية الموسيقية جامعة حلوان عام 2002 قسم البيانو و التشيلو . درس الغناء المنفرد مع كل من أ.د / صبحي بدير ، أ.د / فيوليت مقار ، و يحتوي ريبرتواره للغناء المنفرد على القداس الجنائزي لموتسارت و أيضا مقتطفات من " السيد بروسكينو " و " دون جيوفاني " و " ريجوليتو " و " هكذا يفعلن جميعا " . له العديد من المؤلفات الأوركسترالية منها : متتالية سيمفونية بعنوان حكايات مصرية و كونشيرتو للأوركسترا السيمفوني و كونشيرتو للفلوت و و الأوركسترا الوتري و له أيضا العديد من أعمال موسيقى الحجرة و أعمال منفردة لبعض الآلات و الصوت البشري بمصاحبة البيانو ، و أيضا أعمال لكورال الأطفال ، و له إعداد أوركسترالي لبعض أعمال سيد درويش . حصل على جائزة أفضل تأليف موسيقي 2003 و 2005 في مسابقة المجلس الأعلى للثقافة ( مدحت عاصم ) . و هو حاليا طالب بكونسرفتوار القاهرة - قسم التأليف و القيادة




بســــــــــــــــــــــــــــــــام

أشكرك أخي العزيز على دعوتك الكريمة لي لحضور أحد حفلات مهرجان موسيقى (( اتجاهات عربية )) السادس

حقا لقد إستمتعت بالحفل جدا و كلمة حق يجب أن تقال
إن من أكثر ما أعجبني في الحفل
سيمفونية " شهيد بدر " و التي إكتشفت بعد أن تورمت يداي من التصفيق
أن تلك هي المقطوعة التي إشتركت بها في الحفل



أخي بسام لك مني كل تقدير و إحترام

16‏/2‏/2007

أنستحي أن نقول للص (( يا لـــص )) و هو يسرق ؟؟؟

أنستحي أن نقول للص (( يا لـــص )) و هو يسرق ؟؟؟





عُـــــــدنــــــــا

--------


نبدأ من عنوان البوست

أنستحي أن نقول للص يا لص و هو يسرق ؟؟


تلك الكلمة سمعتها في أحد محاضرات فضيلة الشيخ وجدي غنيــــم منذ فترة طوووويلة جدا قد تتجاوز العامان أو أكثر ... و لكنني تذكرتها الآن


لقد مرت الأيام السابقة منذ قررت الإنقطاع عن الكتابة كألف عام
كانت بحق أثقل الأيام على قلبي لقد كرهتها و كرهت حياتي كلها
بسبب تلك الأيام


فقد تعاطفت مع دموع اللص و كلماته
شعرت بالذنب حين قال لن أسامحك إلي يوم الدين
و سأقتص منك يوم القيامة


عندما عاتبني أحد الأصدقاء ظننت أنني قد أخطأت
و كنت قد عزمت أن أذهب للص و أعتذر

------
و لكن
------

أي حق للص عندي ؟؟

أنا لم أسرق
لم أطعن
لم أقتل
لم أخن


بل كل ما فعلت أنني قلت للص

يا لـــــص


و يبدوا أنة لم يكن يعرف أنه يسرق
أو كان يسرق بحسن نية

فإنهار عندما فضحته أمام نفسة
و ظن أنني قد ظلمته

و عندما بكى أمام الناس صدقوه و أعتقدوا أنني الجاني
أيــــــــا كل من يدعي الفهم
أيـــــــــــا كل البشر


لا تنخدعوا بدموع اللصوص
فلو كان البكاء ينجي ما بات لصــا في السجن ليلة


الأن قررت العوده

بلا إعتذار للصوص
و بلا ذرة إحساس بظلم أحد
و لننتظر يوم القيامة فسيأتي لا محاله
و يومها نرى من يقتص ممن ؟؟


و يا كل من فتنتكم دموع اللصوص

لا تنساقوا وراء عواطفكم
فحكم القلوب من شيم الحريم


و أسمع أيها اللص
أكررها عليك مرة أخرى


أنت لــــــــص


8‏/2‏/2007

عبده تريد

---------
عبده تريد
---------
في أول تجربة مسرحية لفريق التمثيل الخاص بشركة من شركات قطاع البترول كانت الريادة لشركة الغازات التجارية البترولية ( بترو تريد ) في إبراز عدة مواهب سيسطع نجمها في القريب العاجل حيث قام المخرج / حسام الدين محمد بإستخراج كم من المواهب التي تاهت في دروب الحياة و البحث عن الرزق و كادت تدفن لولا تلك التجربة الفريدة و التي قدمها على مسرح وزارة الشباب بالمهندسين يوم الأربعاء و الخميس 7 ، 8 فبراير


عبد الهادي
ذلك الفقير الذي كسرتة قسوة الحياة و ألجمته مسئولياته تجاه أسرتة الصغيرة فشق طريقة في العمل متنقلا بين عدة شركات حتى حصل على وظيفة قارئ و محصل في شركة بترو تريد بنظام عقد المكافئة الشاملة و الذي فيها يقوم بالمرور على المنازل ليسجل قراءات العدادات و يحصل قيمة فواتير إستهلاك الغاز الطبيعي من العملاء



حتى يتوصل عبد الهادي إلي مركب كيميائي معين يستطيع تحويل ماء البحر إلي بترول فيعلن الخبر على العامة فيشغل الرأي العام و يحلم الشباب بالرخاء الذي ستعيش فيه الدولة من جراء ذلك الإختراع و كم الشركات التي ستفتح و حلم القضاء على البطالة و إنتعاش الحالة الإقتصادية و القضاء على الفقر



و بذكاء و خفة ظل يعرض علينا المخرج حسام الدين محمد تآمر الدول و المخابرات الأجنبية ضدنا لهدم أي تقدم لدولتنا فتستطيع أحد الأجهزة الأجنبية خطف عبده تريد

و


لن أخوض في غمار المسرحية حتى لا أشوه الصورة الجميلة التي رسموها
و لكن حقا هم مجموعة من النجوم التي ستحلق في سماء الفن و الشهرة قريبا













4‏/2‏/2007

بيــــــان عاجــــــل

-----------------------
- بيــــــان عاجــــــل -
-----------------------

من الصبح و التليفزيون و الراديو بيذيعوا قرآن فقط و
أغاني وطنية

و بعد ساعتين
صرح مصدر أمني مسؤل من رئاسة الجمهورية
أنه في تمام الساعة العاشرة صباح اليوم انتقل رئيس جمهورية مصر العربية السيد / محمد حسني مبارك إلي الرفيق الأعلى بعد عمر ناهز الثمانية و السبعين

رحم الله الزعيم القائد

أغاني وطنية و قرآن


السيدات و السادة كلمة السيد جمال مبارك

لقد فقدت الأمة العربية و الإسلامية

بل و فقدت الإنسانية كلها

رجلا من أغلى الرجال

رجلا من أشجع الرجال

رجلا من أعظم الرجال


فقد العالم العربي و الإسلامي قائدا لن يتكرر

صاحب أول ضربة جوية في أعظم حرب في التاريخ حرب أكتوبر 1973

رجل السلام الذى قضى مدة حكمة كلها يحارب من أجل السلام
ذلك الرجل الذي حفظ لمصر الزعامة و الريادة العربية و الإفريقية

ذلك الرجل الذي وضع مصر في قائمة الدول المتقدمة

ذلك الرجل ..........و صاحب ..........و ..........و قعد ساعة يعدد في إنجازات أبوه





أبناء وطني الكرام المخلصين

ببالغ الحزن و الأسى نقلت لكم نبأ وفاة الرئيس / محمد حسني مبارك

و ننتظر تشريفكم لنا أمام القصر الجمهوري بمصر الجديدة حيث ستتحرك الجنازة من أمام القصر في تمام الساعة الثالثة عصرا متجهه إلي مسجد رابعة العدوية بمدينة نصر لأداء صلاتي العصر و الجنازة على روح الشهيد

ثم تنتقل الجنازة بعد ذلك إلي مقابر الأسرة بمدينة 6 أكتوبر

ياريت متتأخروش

شكرا و السلام عليكم و رحمة الله و بركاتة

قرآن و أغاني و طنية

مراسلكم السيد المرآئي من أمام القصر الجمهوري بمصر الجديدة
أنقل على سيادتكم وقائع جنازة الشهيد / محمد حسني مبارك رحمة الله و أسكنة فسيح جناته مع النبيين و الصديقين و الشهداء

في تمام الساعة الثانية و النصف وصل أفراد الأسرة الحاكمة و الأقارب لتوديع الشهيد كما وصل إلي القصر الجمهوري

كل من فضيلة الإمام الأكبر شيخ الأزهر السيد / محمد سيد طنطاوي

وزير الداخلية السيد / حبيب العادلي

وزير الدفاع المشير / حسين طنطاوي

و نحن الأن في إنتظار جموع الشعب الغفيرة التي ستزف الشهيد لمثواه الأخير


أغاني وطنية و قرآن


السيدات و السادة مرة أخرى مراسلكم السيد المرآئي من أمام القصر الجمهوري

الساعة الأن الثالثة إلا خمس دقائق و قد أستعد الموكب للتحرك و قد تكرم بالحضورالسيد رئيس الولايات المتحدة الأمريكية / جورج دبليو بوش و السيده حرمة و رئيس الوزراء الإسرائيلي السيد / ايهود أولمرت و بعض معاونية و رئيس الوزراء الإنجليزي السيد / توني بلير
كما تفضلت بالحضور السيدة / كونداليزا رايس وزيرة الخارجية الأمريكية

تقبل الله من جميع الحضور و غفر لهم


قرآن و أغاني وطنية

وزير الإعلام : يا نهار إسود مفيش غير تلاتاشر واحد في الجنازة هننقلها ازاي دي

و يكمل حديثة موجها كلامة لكل من احمد انيس رئيس اتحاد الاذاعة و التليفزيون ونادية صبحي رئيس القطاع

دي فضيحة جنازة الريس ميمشيش فيها غير تلاتاشر بس يا دي المصيبة أعمل اية

رد علية أحمد أنيس : انا هحلهالك يا معالي الوزير

الوزير : ازاي الحقني بالحل الله يكرمك

أحمد أنيس : يا نادية انت فيه واحد عندك في القطاع أسمة أيوب أيوب خبير جرافيك مش كده

نادية : فهمتك يا ريس



و بعد وصلة من

الأغاني الوطنية و القرآن


سيداتي أنساتي سادتي


مرة أخرى معكم السيد المرآئي
و قد دقت الساعة تمام الثالثة

ننقل لحضراتكم وقائع جنازة الشهيد / محمد حسني مبارك غفر الله له و رحمة و أسكنه من الجنة المنازل العليا



موسيقى تصويرية جنائزية و









و أصوات الجماهير تعلوا هاتفةً


يا مبارك يا حبيب الملاييييييين


جواز على ورق سوليفان



---------------------
جواز على ورق سوليفان
---------------------
يداي ترتعشان و الدموع تداعب أجفاني عيناي لا ترتفعان أبدا إلي عيناكي كلامي همس يكاد يصل إلي أذنيك
و بصوت تتخللة الدموع أعلن عليك قرار الفراق
لا تهتز مشاعري لبكائك و لا أتأثر بكلمات الصفح و التوسل التي تتفوه بها شفتاك و لا أشعر بتلك النار التي شبت في قلبك فقط كل ما يعنيني الأن إعلان إستقلالي عنك

الوداع
الوداع يا من ضيعت ما مضى من عمري بحثا عنك
و لكنها هكذا الحياة – نلتقي لنفترق
وداعا رغم كل ذلك الحب الذي أحبسة داخل قضبان قلبي – لا تعلنة نظراتي العنيدة و لا تبوح بة كلماتي الغليظة

هكذا أفترقنا

و أختليت بنفسي أتذكر بقلبي المحطم سنوات العشق و الغرام – لحظات ألم و حزن و لحظات فرح و سعادة
أيام إشتياق و لهفة و أيام خصام و بعد
كلمات أغاني محمد منير تقتلني فلطالما سمعناها سويا
ذلك المكان الذي اعتادنا أن نتقابل فيه
ذلك المكان الذي رسمنا عليه صورة أيامنا القادمة و حياتنا السعيدة التي في انتظارنا
تلك الساعة الفضية التي لا أخلعها عن يدي هي من أهدتني اياها يوم ميلادي السابق
تلك الكلمات التي دونتها بدموعها على ورقة ذكرياتي الوردية شلالات عشق و هوى تنبع من قلبها و ليس لها مصب دون قلبي

بللت دموعي أوراقي فكففت عن الكتابة و سرحت ..
و تسائلت .. لماذا كتب علينا الفراق ؟؟
في تلك اللحظة .. جائتني الإجابة
جائتني عبر كلمات نزار قباني في قصيدة أنا و ليلى

لكن عسر الحال
فقر الحال
ضعف الحال مأساتي

لابد من نهاية لأي بداية
إما أن تكون نهاية سعيدة كعامة الأفلام العربية
أو نهاية مأسوية مؤلمة كواقعنا التعيس

و بنظرة سينمائية .. تنتهي جميع قصص الحب بالزواج فنرى الصدفة و قد لعبت دورها في الجمع بين أبطال العمل ثم نظرة فإبتسامة فكلمة فموعد فلقاء فتخطف قلبة فيبوحان لبعضهما بحبهما و بعد مجموعة من الصعوبات و المشاكل التي تضاف للحبكة الدرامية تنتهي علاقتهما بالزواج السعيد

أما بنظرة واقعية .. يختلف الأمر .. تبدأ قصة الحب و قد علم الطرفين نهايتها قبل بدأها و لكنهما بتحدي و عند يحاولان محاربة الواقع ظنا منهما أنهما قادران على ذلك و أنهما سينجحا في ما فشلا فيه كل من سبقهم
فنجد روميو و جولييت عصرهما يعيشان في عالم غير العالم و دنيا غير الدنيا حتى تحين لحظة الأستيقاظ
و ما أن يفيقا حتى يعلن أحدهما فراق الأخر و الأسباب بالطبع مادية
و كأن علاقتهما كانت محطة الترانزيت التي سيتجهان بعدها كل إلي حياته
فـ روميو يلهث في دروب الحياة بحثا عن المال الذي سيحقق له الإستقرار و السعادة بلا ضوابط و لا موانع
فلا فرق عنده بين حلال أوحرام أو مشروع أو مكتسب فكل ما يهمة الأن قتل من كان السبب في تعاستة الأبدية


و أما جوليت فليس لديها أية مشكلة فهي تعرف طريقها جيدا
هي الأن في إنتظار الرجل الذي يكبرها بـ عشر أو عشرين سنة لا فارق
لا يهمها إن كانت سيارتة بي ام دبليو أم مرسيدس و لا يهمها أيضا فيلتة في المعادي أم في مصر الجديدة
أيضا لا يهمها إن كانت هي زوجتة الأولى أم الثانية أم حتى الرابعة
و هي في مقابل ذلك تنازلت عن كل أحلامها الصافية العذراء تنازلت عن فارسها ذو الرداء الأبيض الذي سيحملها على فرسة الأبيض ليسكنها قصرة و يتوجها ملكة على مملكتة و يجلسها على عرش قلبة
وأرتضت أن تبيع جسدها لمن يملك المال حتى و إن انتهى بها الحال خادمة تحت قدمية
كل ذلك أيضا من أجل أن تقتل من كان سببا في تعاستها

لا أستطيع كتابة كلمة النهاية على ذلك الموضوع فما زال العرض مستمرا
فما حدث لي بالأمس سيحدث لك اليوم و لك أنت أيضا في الغد

فيا كل روميو و يا كل جولييت أجيبوني
كيف السبيل إلي الخلاص من سيطرة المادة على أحلامنا

إن لم أجد عندكم الإجابة
فأدعوكم أن تنضموا لي في البحث عن

جواز عرفي
أو
جواز مسيار
أو
أبحثوا معي عن عروس غنية حتى و إن بلغت الثمانين
أو
أي شيئ بعيد عن الزواج الشرعي

2‏/2‏/2007

لماذا أحبك ؟؟

سيدتي فقط أخبريني لماذا أحبك ؟
--------------
أعلم أنك تحبينني و لكن هل هذا سبب كافي لكي أحبك .. تعلمين أن قلبي لم يكن إلا لواحدة فقط و لن يكون لأحد من بعدها و رغم ذلك أحببتني
--------
أخبريني ماذا أضفتي لحياتي إلا كل إختلاف و خلاف
لماذا تغضبين إذا صدقتك القول فأخبرتك أنك مثل أي أحد ؟
لماذا تطلبين مني إهتمام ؟
و أنت تعلمين أني لا أحبك
لماذا أحتمل أنانيتك و غرورك
لماذا أحتمل سوء ظنك
لماذا أحتمل ضيق أفقك
لماذا أحتمل عنادك الدائم
لماذا أحتمل مجادلاتك في التافهات
و تعظيمك للهيافات
و عدم تقديرك للعظيمات
--------
سامحيني سيدتي
لم أستطع أن أمنحك حبي
و لم تستطيعين سرقة قلبي
------------------------------
و لنسدل الستار على قصتنا العقيمة
------------------------------